പകരംവയ്ക്കാനില്ലാത്ത ചരിത്ര വിജയം നേടിയിരിക്കുകയാണ് ഉണ്ണി മുകുന്ദൻ ചിത്രമായ മാളികപ്പുറം. സിനിമ 100 കോടി ക്ലബ്ബിൽ കയറിയ വിവരം നടൻ തന്നെയാണ് തന്റെ ഔദ്യോഗിക ഫേസ്ബുക്ക് പേജിലൂടെ അറിയിച്ചത്.
2022 ഡിസംബർ 30ന് തീയേറ്ററുകളിലെത്തിയ ചിത്രം അപ്രതീക്ഷിത വിജയം നേടി ഉണ്ണി മുകുന്ദന്റെ കരിയറിലെ നാഴികകല്ലായി മാറി. ഒരുമാസം പിന്നിടുമ്പോഴും നിറഞ്ഞ സദസിൽ പല തീയേറ്ററുകളിലും ഷോ തുടരുന്നുവെന്നതാണ് മാളികപ്പുറത്തിന്റെ വിജയം. നാളുകൾക്ക് ശേഷം കുടുംബപ്രേക്ഷകരെ തീയേറ്ററിലെത്തിച്ച ചിത്രമെന്ന ഖ്യാതിയും മാളികപ്പുറം സ്വന്തമാക്കി. ചിത്രം 100 കോടി ക്ലബ്ബിൽ എത്തിയതോടെ ഉണ്ണി മുകുന്ദനെ പ്രശംസിച്ച് രംഗത്തെത്തിയിരിക്കുകയാണ് ഗായകൻ അനൂപ് ശങ്കർ.
നീ നിന്റെ പ്രത്യയശാസ്ത്രങ്ങൾക്ക് വേണ്ടി നിലകൊണ്ടു, വഞ്ചകന്മാരെ തകർത്തെറിഞ്ഞു. ഇപ്പോൾ, മാളികപ്പുറം 100 കോടി ക്ലബ്ബിലെത്തി നിൽക്കുന്നു. അഭിമാനം തോന്നുന്നുവെന്ന് അനൂപ് പ്രതികരിച്ചു. ഫേസ്ബുക്കിൽ ഉണ്ണിയോടൊപ്പമുള്ള ചിത്രം പങ്കുവച്ചാണ് അദ്ദേഹം കുറിപ്പ് എഴുതിയത്.
”മാളികപ്പുറം ഇപ്പോൾ 100 കോടി ബിസിനസ് നേടിയിരിക്കുകായണ്. മലയാളത്തിലെ ഏറ്റവും കൂടുതൽ ലാഭം നേടുന്ന സിനിമകളിലൊന്നായി മാറാനുള്ള യാത്രയിലാണ് ചിത്രം എന്നിരിക്കെ ഉണ്ണിയെ നേരിട്ട് അറിയുകയും നിങ്ങളുടെ ആദ്യ സിനിമയിൽ നിങ്ങൾക്ക് വേണ്ടി പാടാൻ കഴിയുകയും ചെയ്തതിൽ അഭിമാനിക്കുന്നു. മാളികപ്പുറത്തിന്റെ മുഴുവൻ ടീമിനും അഭിനന്ദനങ്ങൾ.” അനൂപ് ശങ്കർ ഫേസ്ബുക്കിൽ കുറിച്ചു.
Comments