തിരുവനന്തപുരം: പ്രൊളിനും ഡീസലിനും രണ്ട് രൂപ വീതം അധിക സെസ് ഏർപ്പെടുത്തുമെന്ന് ബജറ്റിൽ ധനമന്ത്രി കെഎൻ ബാലഗോപാലിന്റെ പ്രഖ്യാപനം. കാർ അടക്കമുള്ള വാഹനങ്ങളുടെ ഒറ്റത്തവണ നികുതി ഇരട്ടിയാക്കി. വിദേശ മദ്യങ്ങൾക്ക് സാമൂഹ്യ സുരക്ഷ സെസും ഏർപ്പെടുത്തി.
നിലവിൽ സംസ്ഥാനത്ത് 247 ശതമാനമാണ് മദ്യത്തിന് ഏർപ്പെടുത്തുന്ന നികുതി. സാമൂഹ്യ സുരക്ഷ സെസ് ഏർപ്പെടുത്തുന്നതോടെ ഇത് ഇനിയും വർദ്ധിക്കും. സംസ്ഥാനത്തെ മോട്ടോർ വാഹന നികുതി കൂട്ടി. മോട്ടോർ വാഹന നികുതിയിലും വർദ്ധനവുണ്ടായിട്ടുണ്ട്. വാഹനം വാങ്ങുമ്പോഴുള്ള ഒറ്റത്തവണ നികുതി ഇരട്ടിയാകും. ഇത് വാഹനങ്ങളുടെ വിലകൂടാൻ കാരണമാകും.
കാറുകളുടെ നികുതി പരിഷ്ക്കാരം
5 ലക്ഷം വരെ: 1% വർധിക്കും
5 – 15 വരെ: 2% വർധിക്കും
15-20 വരെ : 1% വർധിക്കും
20-30 വരെ: 1% വർധിക്കും
30 ലക്ഷത്തിന് മുകളിൽ :1%വർധിക്കും
ഒഴിഞ്ഞ് കിടക്കുന്ന കെട്ടിടങ്ങൾക്കും ഇനി മുതൽ നികുതി കൊടുക്കേണ്ടിവരും. സംസ്ഥാനത്തെ ഭൂമിയുടെ ന്യായ വില കൂട്ടി. 20 ശതമാനമാണ് ഭൂമിയുടെ ന്യായ വില വർദ്ധിപ്പിച്ചത്. ഫ്ളാറ്റുകളുടെ മുദ്ര വില കൂട്ടിയിട്ടുണ്ട്.
