അഗർത്തല: ത്രിപുര തിരഞ്ഞെടുപ്പ് പ്രചാരണത്തിന്റെ ഭാഗമായി കേന്ദ്ര ആഭ്യന്തരമന്ത്രി അമിത് ഷാ ഇന്ന് രണ്ട് റാലികളെ അഭിസംബോധന ചെയ്യും. ദക്ഷിണ ത്രിപുര ജല്ലയിലെ ശാന്തിർബസാർ, ഖോവായ് എന്നിവിടങ്ങളിലെ രണ്ട് റാലികളും ഒരു റോഡ് ഷോയിലുമാണ് അദ്ദേഹം ഇന്ന് പങ്കെടുക്കുന്നത്. അമിത് ഷായുടെ സന്ദർശനത്തിന് മുന്നോടിയായി ത്രിപുര മുഖ്യമന്ത്രി ഡോ.മാണിക്ക് സാഹ രണ്ട് പ്രചരണ വേദികളിലും ഒരുക്കങ്ങൾ വിലയിരുത്താൻ സന്ദർശനം നടത്തിയിരുന്നു.
കേന്ദ്ര ആഭ്യന്തര മന്ത്രിയുടെ ഈ വർഷത്തെ രണ്ടാമത്തെ ത്രിപുര സന്ദർശനമാണിത്. നേരത്തെ രണ്ട് രഥയാത്രകളിൽ അദ്ദേഹം പങ്കെടുത്തിരുന്നു. അടുത്തിടെ പാർട്ടി അധ്യക്ഷൻ ജെപി നദ്ദ ത്രിപുര സന്ദർശിച്ചിരുന്നു.
