ന്യൂഡൽഹി: ഇന്ത്യൻ വിക്കറ്റ് കീപ്പറും ബാറ്റ്മാനുമായ ഋഷഭ് പന്ത് തന്റെ തിരിച്ചുവരവ് അറിയിച്ചു. ഡിസംബർ 30ന് ഉണ്ടായ കാർ അപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്നു താരം. എന്നാൽ താരം തന്റെ ഇൻസ്റ്റഗ്രാം പോസ്റ്റ് ആരാധക ശ്രദ്ധ പിടിച്ചുപറ്റുകയാണ്. പുറത്തിരുന്ന് ശുദ്ധവായു ശ്വസിക്കാൻ കഴിയുന്നു എന്നാണ് പോസ്റ്റിന്റെ അടിക്കുറിപ്പ്.
അപകടത്തിന് ശേഷം നിരവധി ശസ്ത്രക്രിയകൾക്ക് വിധേയനായ പന്ത് സുഖം പ്രാപിക്കുന്നതിനെക്കുറിച്ചുള്ള ഒരു അപ്ഡേറ്റ് ആരാധകർക്ക് നൽകിയാണ് ഇൻസ്റ്റാഗ്രാം സ്റ്റോറി പോസ്റ്റ് ചെയ്തത്. എന്നാൽ ജനുവരി 16ന് തന്റെ ജീവിതത്തിലുണ്ടായ നാടകീയമായ സംഭവങ്ങളെ കുറിച്ചും താരം ഒരു ഇൻസ്റ്റഗ്രാം പോസ്റ്റ് ചെയ്തിരുന്നു.
നാല് മത്സരങ്ങളുള്ള ടെസ്റ്റ് പരമ്പരയിൽ ഓസ്ട്രേലിയയെ നേരിടാൻ ഇന്ത്യൻ ക്രിക്കറ്റ് ടീം ഒരുങ്ങുമ്പോൾ, പന്തിന്റെ അസാനിധ്യം തീർച്ചയായും ആരാധകർക്ക് അനുഭവപ്പെടും. ഡൗൺ അണ്ടർ ഇന്ത്യയുടെ അവസാന പര്യടനത്തിൽ തിളങ്ങിയ താരമായിരുന്നു റിഷഭ് പന്ദ്. ഇന്ത്യൻ ക്രിക്കറ്റ് ആരാധകരെയെല്ലാം പന്ദിന്റെ അഭാവം നിരാശപ്പെടുത്തുന്നുണ്ട്.
Comments