ഭോപ്പാൽ: മധ്യപ്രദേശിലെ ലഖ്നാഡോണിൽ ട്രക്ക് കാറിലിടിച്ചുണ്ടായ അപകടത്തിൽ നാല് പേർക്ക് ദാരുണാന്ത്യം. ഇന്നലെ നടന്ന അപകടത്തിൽ നാല് പേർ മരിക്കുകയും 17 വയസ്സുള്ള പെൺകുട്ടിക്ക് ഗുരുതരമായി പരിക്കേൽക്കുകയും ചെയ്തു.
ഗൂരുതരമായി പരിക്കേറ്റ പെൺകുട്ടിയെ ജബൽപൂരിലെ ആശുപത്രിയിൽ പ്രവേശിപ്പിച്ചു. മരിച്ചവരെല്ലാം സിയോനി ജില്ലയിലെ നാഗന്ദേവ്രി ഗ്രാമത്തിലുളളവരാണെന്നാണ് സൂചന. ലഖ്നാഡൺ പോലീസ് സ്റ്റേഷനു കീഴിലുള്ള ദേശീയ പാത-44 ബൈപ്പാസിലാണ് അപകടം. അമിത വേഗതയിൽ വന്ന ട്രക്ക് കാറിൽ ഇടിച്ചതിനെ തുടർന്നാണ് അപകടമുണ്ടായത്.
വിവരമറിഞ്ഞ് ലഖ്നാഡൺ പോലീസ് സ്ഥലത്തെത്തി. ട്രക്ക് ഇടിച്ചതിന്റെ ആഘാതത്തിൽ കാറിന്റെ മുൻഭാഗം പൂർണമായും തകർന്നിട്ടുണ്ട്.
അപകടത്തെ തുടർന്ന് ഗതാഗതം ഏറെനേരം തടസപ്പെട്ടു. ക്രെയിൻ ഉപയോഗിച്ച് തകർന്ന കാർ റോഡിൽ നിന്ന് നീക്കം ചെയ്ത ശേഷമാണ്
ഗതാഗതം സുഗമമായത്.
