മലയാളികൾ ഇരുകൈയും നീട്ടി സ്വീകരിച്ച ചിത്രമായിരുന്നു ദൃശ്യവും അതിന്റെ രണ്ടാം ഭാഗവും. മോഹൻലാലിനെ നായകനാക്കി ജീത്തു ജോസഫ് സംവിധാനം ചെയ്ത ദൃശ്യം തിയേറ്റുകളിൽ വലിയ സ്വീകാര്യത നേടിയപ്പോൾ ഒടിടി റിലീസായി എത്തിയ ചിത്രത്തിന്റെ രണ്ടാം ഭാഗവും മികച്ച പ്രതികരണമാണ് ലഭിച്ചത്.
മലയാളത്തിൽ വലിയ ഹിറ്റായ സിനിമ തമിഴിലേക്കും പിന്നീട് ഹിന്ദിയിലേക്കുമൊക്കെ റീമേക്ക് ചെയ്തിരുന്നു. ഇപ്പോഴിത മറ്റൊരു വാർത്ത കൂടി പുറത്ത് വരികയാണ്. സിനിമ ഹോളിവുഡിൽ എത്തിക്കാൻ ചർച്ചകൾ നടക്കുന്നതായുള്ള വാർത്തകളാണ് പുറത്തുവരുന്നൃത്. ട്രേഡ് അനലസ്റ്റായ ശ്രീധർ പിള്ളയാണ് ഇക്കാര്യം ട്വീറ്റ് ചെയ്തിരിക്കുന്നത്. സിനിമ ഹോളിവുഡിലും ചൈനീസിലും റീമേക്ക് ചെയ്യുമെന്നാണ് ട്വീറ്റ്. ഹോളിവുഡിൽ കൂടാതെ, സിൻഹള, ഫിലിപ്പീനോ, ഇന്തോനേഷ്യൻ ഭാഷകളിലും റീമേക്ക് ചെയ്യുമെന്നും റിപ്പോർട്ടുണ്ട്.
തമിഴിൽ കമൽ ഹാസനും ഹിന്ദിയിൽ അജയ് ദേവഗണുമാണ് പ്രാധാന കഥാപാത്രത്തെ ആവതരിപ്പിച്ചത്. ഹിന്ദിയിൽ ദൃശം രണ്ടാം ഭാഗത്തിന് മികച്ച വരവേൽപ്പാണ് ലഭിച്ചത്. ചിത്രത്തിന് ബോക്സ് ഓഫീസിലും ചലനം സൃഷ്ടിക്കാൻ കഴിഞ്ഞിരുന്നു. ദൃശ്യം മൂന്നിനെ കുറിച്ചുള്ള ചർച്ചകളും സമൂഹ മാദ്ധ്യമങ്ങളിൽ ചർച്ചയായിരുന്നു. നല്ല ആശയം കിട്ടിയാൽ ദൃശ്യം-3 ചെയ്യുമെന്ന് സംവിധായകൻ ജീത്തു ജോസഫ് അറിയിച്ചിരുന്നു.
