ഉണ്ണി മുകുന്ദന് നായകനായി എത്തുന്ന ‘ഗന്ധര്വ്വ ജൂനിയർ’ എന്ന പുതിയ ചിത്രത്തിന്റെ ഷൂട്ടിംഗ് ആരംഭിച്ചു. സിനിമയുടെ പൂജ കഴിഞ്ഞു. മലയാളം, തമിഴ്, കന്നഡ, തെലുങ്ക്, ഹിന്ദി എന്നിങ്ങനെ അഞ്ചു ഭാഷകളിൽ ഒരുങ്ങുന്ന ചിത്രം സംവിധാനം ചെയ്യുന്നത് വിഷ്ണു അരവിന്ദ് ആണ്. സെക്കന്ഡ് ഷോ, കല്ക്കി തുടങ്ങിയ ചിത്രങ്ങളില് സഹ സംവിധായകനായിരുന്ന വിഷ്ണുവിന്റെ സംവിധാന അരങ്ങേറ്റമാണ് ‘ഗന്ധര്വ്വ ജൂനിയർ’.
40 കോടി ബജറ്റിലാണ് ചിത്രം ഒരുക്കുന്നത്. ഗന്ധർവ്വ ജൂനിയറിന്റെ ഫസ്റ്റ് ഷെഡ്യൂൾ ആരംഭിച്ചു. പ്രവീണ് പ്രഭാറാമും സുജിന് സുജാതനും ചേര്ന്നാണ് ചിത്രത്തിന്റെ രചന നിര്വ്വഹിച്ചിരിക്കുന്നത്. ഫാന്റസിയും തമാശകളും കലര്ന്ന ചിത്രമാണ് ‘ഗന്ധര്വ്വ ജൂനിയർ’ എന്ന് അണിയറപ്രവർത്തകർ പറയുന്നു. ഒരു ഗന്ധർവ്വന്റെ അപ്രതീക്ഷിത വരവ് ഉപകാരവും ഉപദ്രവവും ആകുന്ന നർമ്മ മുഹൂർത്തങ്ങളിലൂടെയാണ് ചിത്രം മുന്നോട്ട് പോകുന്നത്.
ജെഎം ഇന്ഫോടെയ്ന്മെന്റും ലിറ്റില് ബിഗ് ഫിലിംസും ചേര്ന്നാണ് ചിത്രം നിര്മ്മിക്കുന്നത്.
ഉണ്ണി മുകുന്ദന്റെ ഒരു സൂപ്പർ ഹീറോ ചിത്രമെന്നാണ് ഗന്ധര്വ്വ ജൂനിയറിനെ അണിയറ പ്രവർത്തകർ വിശേഷിപ്പിക്കുന്നത്. മാളികപ്പുറം പോലെ തന്നെ ഈ ചിത്രവും വലിയ ഹിറ്റ് ആകുമെന്നാണ് ആരാധകർ പ്രതീക്ഷിക്കുന്നത്. ചന്ദ്രു ശെൽവരാജാണ് ഛായാഗ്രഹണം. സംഗീതം- ജെക്സ് ബിജോയ്, എഡിറ്റിംഗ്- അപ്പു ഭട്ടതിരി, സജീവ് ചന്ദിരൂർ, പ്രൊഡക്ഷൻ ഡിസൈനർ- വിനോദ് രവീന്ദ്രൻ, ആർട്ട് ഡയറക്ടർ- ഔസേപ്പ് ജോൺ എന്നിവരാണ് മറ്റ് അണിയറ പ്രവർത്തകർ.
Comments