വേനൽകാലം ഇങ്ങ് എത്തി.., ഒപ്പം പരീക്ഷയും. ഇനി പഠനത്തിന്റെ നാളുകൾ. 2022-23 അദ്ധ്യയന വർഷത്തെ എസ്എസ്എൽസി പരീക്ഷ മാർച്ച്് ഒൻപതിന് ആരംഭിച്ച് മാർച്ച് 29-ന് അവസാനിക്കും. രാവിലെ 9.30 മുതൽ ഉച്ച 11.15 വരെയാണ് പരീക്ഷ സമയം. ഗണിതം, സമൂഹ്യ ശാസ്ത്രം എന്നീ വിഷയങ്ങളുടെ പരീക്ഷ സമയത്തിൽ മാറ്റമുണ്ട്. രാവിലെ 9.30 മുതൽ ഉച്ചയ്ക്ക് 12.15 വരെയാകും ഇരു പരീക്ഷകളും നടക്കുക. ഐടി പ്രാക്ടിക്കൽ പരീക്ഷകൾ ഫെബ്രുവരി 15 മുതൽ 25 വരെയാകും നടക്കുക.
പരീക്ഷ ആയാൽ പിന്നെ അങ്ങ് ടെൻഷനോട് ടെൻഷനാണല്ലേ, എന്നാൽ അതിന്റെ ആവശ്യമില്ല. മികച്ച പ്ലാനിംഗാണ് ആവശ്യം. ഒരു ദിവസം ചിട്ടയോടെ പ്രയോജനപ്പെടുത്താമെന്ന ധാരണ ഓരോരുത്തർക്കും ഉണ്ടായിരിക്കണം. എന്നാൽ മാത്രമേ മികച്ച വിജയം കൈവരിക്കാൻ കഴിയൂ. ക്യത്യമായി ടൈംടേബിൾ ഉണ്ടാക്കുന്നതോടെ ചിട്ടയായി പഠിക്കാൻ കഴിയും എന്നതിൽ ഒരു തർക്കവുമില്ല. എന്നാൽ പ്രായാസം തോന്നുന്ന വിഷയത്തിന് കൂടുതൽ സമയം നൽകുയാണ് വേണ്ടത്. ഇടയ്ക്കിടയ്ക്ക് ടൈം ടേബിൾ പരിഷ്കരിക്കുന്നത് വഴി ചെറിയ ചെറിയ ബോറടികൾ മാറ്റാൻ കഴിയും. പഠനത്തിനും ഇടവേളകൾക്കും പുറമേ ഉറക്കത്തിനും ടൈം ടേബിൾ ഉണ്ടാക്കുന്നത് നല്ലതാണ്.
ഏകാഗ്രതയോടെ പഠിക്കാൻ ശ്രമിക്കണം. കഥയും കവിതയും പോലെ പാഠങ്ങൾ പഠിക്കുന്നത് മികച്ച രീതിയാണ്. ഇത് കാര്യങ്ങൾ ഓർത്തെടുക്കാൻ സഹായിക്കും. അർത്ഥം അറിഞ്ഞാകണം പഠിക്കാൻ അല്ലാത്ത പക്ഷം പരീക്ഷ ഹാളിൽ കയറുമ്പോൾ പഠിച്ചതെല്ലാം മറക്കാൻ സാദ്ധ്യതയുണ്ട്. വലിച്ചുവാരിയുള്ള ഭക്ഷണം പഠന സമയത്ത് ഒഴിവാക്കണം. ഇടയ്ക്കിടയ്ക്ക് കൊറിക്കുന്നതും നല്ലതല്ല. ആവിയിലുള്ള ഭക്ഷണമാണ് പ്രാതലിന് നല്ലത്. കൃത്യമായ ഇടവേളകളിൽ ഭക്ഷണം കഴിക്കുക, ചെറുപഴം, പഴവർഗങ്ങൾ എന്നിവയും ഉൾപ്പെടുത്തണം. ആവശ്യത്തിന് വെള്ളം കുടിക്കുന്നതും ക്ഷീണം തോന്നാതിരിക്കാൻ സഹായിക്കും. ഇക്കാര്യങ്ങളൊക്കെ ഒന്ന് ശ്രദ്ധിച്ച് കഴിഞ്ഞാൽ മികച്ച വിജയം കൈവരിക്കാൻ കഴിയുമെന്ന കാര്യം ഓർമ്മയിൽ വെച്ചാകും നമ്മുടെ പഠനം.
എസ്എസ്എൽസി ടൈംടേബിൾ
09/03/2023 : ഒന്നാം ഭാഷ-പാർട്ട് 1 (മലയാളം/ തമിഴ്/ കന്നഡ/ ഉറുദു / ഗുജറാത്തി / അഡീ. ഇംഗ്ലീഷ് / അഡീ. ഹിന്ദി / സംസ്കൃതം (അക്കാദമിക്)/ സംസ്കൃതം ഓറിയൻറൽ- ഒന്നാം പേപ്പർ (സംസ്കൃത സ്കൂളുകൾക്ക്)
13/03/2023: രണ്ടാം ഭാഷ -ഇംഗ്ലീഷ്
15/03/2023: മൂന്നാം ഭാഷ – ഹിന്ദി/ ജനറൽ നോളഡ്ജ്
17/03/2023: രസതന്ത്രം
20/03/2023: സോഷ്യൽ സയൻസ്
22/03/2023: ജീവശാസ്ത്രം
24/03/2023: ഊർജശാസ്ത്രം
27/03/2023: ഗണിതശാസ്ത്രം
29/03/2023: ഒന്നാം ഭാഷ-പാർട്ട് 11 (മലയാളം/ തമിഴ്/ കന്നഡ/ സ്പെഷ്യൽ ഇംഗ്ലീഷ്/ ഫിഷറീസ് സയൻസ് (ഫിഷറീസ് ടെക്നിക്കൽ സ്കൂളുകൾക്ക് ) / അറബിക് ഓറിയൻറൽ- രണ്ടാം പേപ്പർ (അറബിക് സ്കൂളുകൾക്ക്)/ സംസ്കൃതം ഓറിയന്റൽ- രണ്ടാം പേപ്പർ( സംസ്കൃത സ്കൂളുകൾക്ക്)
Comments