നാടകരംഗത്ത് നിന്നും സ്വന്തം കഴിവുകൊണ്ട് മലയാള സിനിമാ മേഖലയിലേയ്ക്ക് കടന്നു വന്ന നടനാണ് ഹരീഷ് പേരടി. വളരെ വേഗത്തിൽ ശ്രദ്ധേയമായ വേഷങ്ങൾ ചെയ്തുകൊണ്ട് മലയാള സിനിമാ പ്രേമികളുടെ ഹൃദയത്തിൽ ഇടം നേടിയ താരം തമിഴ് സിനിമകളിലും നിറ സാന്നിധ്യമാണ്. ഹരീഷ് പേരടി നിർമ്മിക്കുകയും അഭിനയിക്കുകയും ചെയ്യുന്ന ഏറ്റവും പുതിയ ചിത്രമാണ് ‘ദാസേട്ടന്റെ സൈക്കിൾ’. ചിത്രത്തിന്റെ ഫസ്റ്റ് ലുക്ക് പോസ്റ്റർ അണിയറ പ്രവർത്തകർ പുറത്തു വിട്ടു. കേരളത്തിലെ പ്രമുഖ രാഷ്ട്രീയ നേതാക്കളാണ് പോസ്റ്റർ സമൂഹമാദ്ധ്യമങ്ങളിൽ പങ്കുവെച്ചിരിക്കുന്നത്.
ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ, പ്രതിപക്ഷ നേതാവ് വി.ഡി.സതീശൻ, സിപിഎം നേതാവ് എം.എ ബേബി, സിപിഐ നേതാവ് പന്ന്യൻ രവീന്ദ്രൻ, ആർഎസ്പി നേതാവ് ഷിബു ബേബി ജോൺ, ആർഎംപി നേതാവ് കെ.കെ രമ എന്നിവരാണ് സമൂഹമാദ്ധ്യമങ്ങളിലൂടെ ഫസ്റ്റ് ലുക്ക് പോസ്റ്റർ റിലീസ് ചെയ്തിരിക്കുന്നത്. അഖിൽ കാവുങ്കലാണ് ചിത്രത്തിന്റെ രചനയും സംവിധാനവും നിർവ്വഹിക്കുന്നത്.
ഹരീഷ് പേരടി, ബിന്ദു ഹരീഷ്, സുദീപ് പച്ചാട്ട് എന്നിവർ ചേർന്നാണ് ‘ദാസേട്ടന്റെ സൈക്കിൾ’ എന്ന ചിത്രം നിർമ്മിക്കുന്നത്. രാഹുൽ സി വിമലയാണ് ചിത്രത്തിന്റെ ഛായാഗ്രഹണം. എഡിറ്റർ- ജോമോൻ സിറിയക്, സംഗീത സംവിധാനം- ഗിരീശൻ എ.സി, പശ്ചാത്തല സംഗീതം- നവനീത്, കലാസംവിധാനം- മുരളി ബേപൂർ.
Comments