ബെംഗളൂരു: പ്രതിരോധ മേഖലയിൽ ഭാരതവുമായുള്ള ബന്ധം വിശാലമാക്കാനും ആഴത്തിലാക്കാനും യുകെ ആഗ്രഹിക്കുന്നുവെന്ന് ബ്രിട്ടീഷ് ഹൈക്കമ്മീഷണർ അലക്സ് എല്ലിസ്. ഇന്ത്യയും യുകെയും തമ്മിൽ വ്യാപാരത്തിൽ ഏർപ്പെടുകയും സ്വതന്ത്ര വ്യാപാര കരാർ ചർച്ചകൾ നടത്തുകയും ചെയ്യുന്നു. കരാർ ചർച്ചകൾ നടത്തുന്നത് വിദ്യാർത്ഥികളുടെ എണ്ണത്തിലാണ്. യുകെയിലെ വിദ്യാർത്ഥികളുടെ എണ്ണത്തിൽ ഇന്ത്യയാണ് മുന്നിൽ. ഇപ്പോൾ ആഗ്രഹിക്കുന്നത് പ്രതിരോധ മേഖലയിൽ യുകെ-ഇന്ത്യ പങ്കാളിത്തം കൂടുതൽ ശക്തമാക്കുക എന്നതാണന്ന് അദ്ദേഹം പറഞ്ഞു. എയ്റോ ഇന്ത്യ 2023-ൽ പങ്കെടുത്ത ശേഷം ഒരു പ്രമുഖ വാർത്ത ഏജൻസിയ്ക്ക് നൽകിയ അഭിമുഖത്തിലാണ് എല്ലിസ് ഈ കാര്യങ്ങൾ വ്യക്തമാക്കിയത്.
ഏഷ്യയിലെ തന്നെ ഏറ്റവും വലിയ എയ്റോ പ്രദർശനപരിപാടിയ്ക്ക് പ്രധാനമന്ത്രി നരേന്ദ്രമോദിയാണ് ബെംഗളൂരുവിൽ തുടക്കം കുറിച്ചത്. പരിപാടിയുടെ 14-ാം പതിപ്പായ എയ്റോ ഇന്ത്യ 2023 തിങ്കളാഴ്ച രാവിലെയാണ് പ്രധാനമന്ത്രി ഉദ്ഘാടനം ചെയ്തത്. വിദേശ കമ്പനികളുടെ പങ്കാളിത്തം ഉറപ്പുവരുത്താൻ തദ്ദേശീയ ഉപകരണങ്ങളുടെയും സാങ്കേതിക വിദ്യകളുടെയും പ്രദർശനമുൾപ്പെടെയാണ് എയ്റോ ഇന്ത്യ 2023ൽ ഒരുക്കിയിരിക്കുന്നത്.
Comments