ന്യൂഡൽഹി: ലേഡി ഹാർഡിംഗ് മെഡിക്കൽ കോളേജിൽ ‘ആരോഗ്യത്തിനുള്ള സൈക്കിൾ്’ എന്ന പ്രമേയവുമായി സൈക്ലത്തോൺ സംഘടിപ്പിച്ച് കേന്ദ്ര ആരോഗ്യമന്ത്രാലയം. വിദ്യാർത്ഥികളും അദ്ധ്യാപകരും ജീവനക്കാരും വളരെ ആവേശത്തോടെ സൈക്ലത്തോണിൽ പങ്കെടുത്തു.ശാരീരികവും മാനസികവുമായ ക്ഷേമം പ്രോത്സാഹിപ്പിക്കുന്നതിനും പരിസ്ഥിതി സൗഹൃദ ഗതാഗതത്തെക്കുറിച്ച് നമ്മുടെ പൗരന്മാരെ അറിയിക്കുന്നതിനുമാണ് ഇത്തരം റാലികൾ സംഘടിപ്പിക്കുന്നതെന്ന് കേന്ദ്ര ആരോഗ്യമന്ത്രി മൻസൂഖ് മാണ്ഡവ്യ പറഞ്ഞു.
അതേസമയം ഇന്ന് രാജ്യത്തുടനീളമുള്ള 1.56 ലക്ഷം ആയുഷ്മാൻ ഭാരത് ആരോഗ്യ കേന്ദ്രങ്ങളിൽ മെഗാ സൈക്ലിംഗ് ഇവന്റായ സൈക്ലത്തോൺ കേന്ദ്ര ആരോഗ്യമന്ത്രാലയം സംഘടിപ്പിച്ചു. നമ്മുടെ ശരീരം ആരോഗ്യകരവും ക്ഷമതയുള്ളതും സജീവവുമാക്കി നിലനിർത്തുന്നതിനുള്ള ഏറ്റവും നല്ല മാർഗമാണ് സൈക്ലിംഗ്. നിങ്ങൾക്ക് തോന്നുന്നത്രയും കുറച്ചു ദൂരമോ കൂടുതൽ ദൂരമോ സൈക്കിൾ ഓടിക്കുക, പക്ഷേ ഉറപ്പായും സൈക്ലിംഗ് ചെയ്യുക എന്ന് മൻസൂഖ് മാണ്ഡവ്യ കഴിഞ്ഞ ദിവസം ട്വീറ്റ് ചെയ്തിരുന്നു.
ആരോഗ്യകരമായ ജീവിതത്തെക്കുറിച്ചുള്ള അവബോധം വർദ്ധിപ്പിക്കുന്നതിനായി കഴിഞ്ഞ വർഷം ആരംഭിച്ച ‘സ്വസ്ത മാൻ, സ്വസ്ഥ ഘർ’ ക്യാമ്പയിന്റെ ഭാഗമായി എല്ലാ മാസവും 14-ന് 1.56 ലക്ഷം ആയുഷ്മാൻ ഭാരത് ആരോഗ്യ കേന്ദ്രങ്ങളിൽ ആരോഗ്യ മേളകൾ സംഘടിപ്പിക്കുന്നുണ്ട്. യോഗ, സൂംബ, ടെലി കൺസൾട്ടേഷൻ, നിക്ഷയ് പോഷൺ അഭിയാൻ, സാംക്രമികേതര രോഗങ്ങളുടെ പരിശോധന, മരുന്ന് വിതരണം, അരിവാൾ കോശ രോഗ പരിശോധന തുടങ്ങിയ പ്രവർത്തനങ്ങൾ രാജ്യവ്യാപകമായി ഈ ആരോഗ്യ മേളകളുടെ ഭാഗമായി നടത്തുമെന്ന് ആരോഗ്യ മന്ത്രാലയം പറഞ്ഞു.
Comments