ന്യൂഡൽഹി: സിബിഎസ്ഇ 10, 12 ക്ലാസുകളിലെ പരീക്ഷകൾ രാജ്യത്താരംഭിച്ചു. കഴിഞ്ഞ വർഷം ഡിസംബർ 29 നാണ് സിബിഎസ്ഇ പത്താം ക്ലാസ്, 12 ാം ക്ലാസുകളുടെ പരീക്ഷ തീയതികൾ പ്രഖ്യാപിച്ചത്. രാവിലെ 10.30നാണ് പരീക്ഷ ആരംഭിക്കുന്നത്. ഫെബ്രുവരി 15 മുതൽ മാർച്ച് 21 വരെയാണ് പത്താം ക്ലാസ് പരീക്ഷ. ഫെബ്രുവരി 15 മുതൽ ഏപ്രിൽ 5 വരെയാണ് 12 ാം ക്ലാസിലെ പരീക്ഷ.
അതേസമയം 10, 12 ക്ലാസുകളിലെ ബോർഡ് പരീക്ഷയിൽ നിർമിത ബുദ്ധി അടിസ്ഥാനമാക്കിയുള്ള ‘ചാറ്റ് ജി.പി.ടി’ ഉപയോഗിക്കുന്നതും സി.ബി.എസ്.ഇ നിരോധിച്ചിട്ടുണ്ട്. മൊബൈൽ, ചാറ്റ്ജിപിടി, മറ്റ് ഇലക്ട്രോണിക് വസ്തുക്കൾ എന്നിവ പരീക്ഷാ ഹാളിൽ അനുവദിക്കില്ല.
നിർദേശം നൽകുന്നത് അനുസരിച്ച് പ്രസംഗങ്ങളും, പാട്ടുകളും, വാർത്തകളും ലേഖനകളും മറ്റും തയാറാക്കാൻ ഉതകുന്ന സോഫ്റ്റ്വെയർ അപ്ലിക്കേഷൻ ആണ് ചാറ്റ് ജി.പി.ടി
