156 കിലോമീറ്റർ മൈലേജുള്ള ബൈക്ക് വെറും 2,499 രൂപയ്‌ക്ക് ബുക്ക് ചെയ്യാം; ഡെലിവറി മാർച്ചിൽ

ആർവി 400 ഇലക്ട്രിക് മോട്ടോർസൈക്കിളിന്റെ ബുക്കിംഗ് വീണ്ടും ആരംഭിക്കുന്നതായി റിവോൾട്ട് മോട്ടോഴ്സ്. താൽപ്പര്യമുള്ള ഉപഭോക്താക്കൾക്ക് 2,499 രൂപ നൽകി പുതിയ റിവോൾട്ട് ആർവി 400 ഇലക്ട്രിക് മോട്ടോർസൈക്കിൾ ബുക്ക് ചെയ്യാം. ഉപഭോക്താക്കൾക്ക് കമ്പനിയുടെ ഔദ്യോഗിക വെബ്സൈറ്റിലൂടെ ബുക്കിംഗ് നടത്താം.

ഇലക്ട്രിക് ബൈക്കിന്റെ ഡെലിവറി 2023 മാർച്ച് 31-ന് മുമ്പ് ആരംഭിക്കും. റിവോൾട്ട് മോട്ടോഴ്‌സിന് നിലവിൽ ഇന്ത്യയിലെ 22 സംസ്ഥാനങ്ങളിലായി 35 ഡീലർഷിപ്പുകളുണ്ട്. പ്രതിമാസം 350 രൂപയിൽ താഴെ മാത്രമേ റിവോൾട്ട് ഇലക്ട്രിക് ബൈക്കുകൾക്ക് ആവശ്യമുള്ളൂ എന്നാണ് കമ്പനി അവകാശപ്പെടുന്നത്.

റിവോൾട്ട് ഇലക്ട്രിക് ബൈക്കിന്റെ പവർട്രെയിൻ സജ്ജീകരണത്തിൽ 3.24 കിലോവാട്ട ലിഥിയം-അയൺ ബാറ്ററിയാണ് ഉൾപ്പെടുത്തിയിരിക്കുന്നത്. മണിക്കൂറിൽ 85 കിലോമീറ്റർ വേഗതയാണ് ഇത് വാഗ്ദാനം ചെയ്യുന്നത്. മോട്ടോർസൈക്കിളിന് 156 കിലോമീറ്റർ സർട്ടിഫൈഡ് റേഞ്ച് ഉണ്ട്. നോർമൽ, ഇക്കോ, സ്‌പോർട്ട് എന്നിങ്ങനെ മൂന്ന് റൈഡിംഗ് മോഡലുകൾ ലഭിക്കും.