ഹൈദരാബാദ് : ഗ്രീൻ ഇന്ത്യ ചലഞ്ചിൽ പങ്കെടുത്ത് നടി കങ്കണ റണാവത്ത്. തെലുങ്കാനയിലെ ഷംഷാബാദിലെ പഞ്ചവടി പാർക്കിലാണ് കങ്കണ വൃക്ഷത്തൈകൾ നട്ടത്. തൈകൾ നടുന്നതിന്റെ ചിത്രങ്ങൾ താരം സമൂഹമാദ്ധ്യമങ്ങളിലൂടെ പങ്കുവെച്ചു. ഇന്ന് രാവിലെ ഹൈദരാബാദിൽ മൂന്ന് തൈകൾ നട്ടു എന്ന ട്വീറ്റോടു കൂടിയാണ് ചിത്രങ്ങൾ പങ്കുവെച്ചിരിക്കുന്നത്.
രാജ്യസഭ എംപി സന്തോഷ് കുമാർ ആരംഭിച്ച ഗ്രീൻ ഇന്ത്യ ചലഞ്ചിൽ ബൂധനാഴ്ച താരം പങ്കെടുത്തിരുന്നു. പരിസ്ഥിതിയെ സംരക്ഷിക്കുന്നതിനായി ഇത്തരത്തിലൊരു പദ്ധതി ആവിഷ്കരിച്ചതിൽ താരം എംപിയോട് നന്ദി അറിയിച്ചിരുന്നു.
‘എമർജൻസി’യാണ് കങ്കണയുടേതായി ഏറ്റവും ഒടുവിൽ ചിത്രീകരണം പൂർത്തിയായ ചിത്രം. ഇന്ത്യയുടെ മുൻപ്രധാനമന്ത്രി ഇന്ദിരാഗാന്ധിയുടെ കഥാപാത്രത്തെയാണ് താരം ചിത്രത്തിൽ അവതരിപ്പിക്കുന്നത്. കങ്കണ സംവിധാനം നിർവഹിക്കുന്ന ചിത്രമെന്ന പ്രത്യേകതയും എമർജൻസിക്കുണ്ട്. നിലവിൽ ചന്ദ്രമുഖി 2-ന്റെ ഷൂട്ടിംഗ് ലൊക്കേഷനിലാണ് കങ്കണ.
Comments