വാഷിംഗ്ടൺ: ഇന്ത്യൻ വംശജൻ അജയ് ബംഗയെ ലോക ബാങ്ക് അദ്ധ്യക്ഷനാക്കാൻ നിർദ്ദേശിച്ച് അമേരിക്ക. അമേരിക്കൻ പ്രസിഡന്റ് ജോ ബൈഡനാണ് ബംഗയുടെ പേര് നിർദ്ദേശിച്ചിരിക്കുന്നത്. കാലഘട്ടത്തിന്റെ വെല്ലുവിളികൾ നേരിടാൻ പ്രാപ്തനായ വ്യക്തിയാണ് ബംഗയെന്ന് പേര് നിർദ്ദേശിച്ചുകൊണ്ട് ബൈഡൻ പറഞ്ഞു.
അമേരിക്ക ഇന്ത്യ ബിസിനസ് കൗൺസിലിന്റെ ചെയർമാനായിരുന്നു ബംഗ. മാസ്റ്റർ കാർഡിന്റെ എക്സിക്യൂട്ടീവ് ചെയർമാനായും പ്രവർത്തിച്ചിട്ടുണ്ട്. വേൾഡ് എക്കണോമിക് ഫോറത്തിന്റെ ഫോറിൻ റിലേഷൻ കൗൺസിൽ അംഗം എന്ന ചുമതലയും വഹിക്കുന്നു.
മഹാരാഷ്ട്രയിലെ പുനെയിലാണ് അജയ്പാൽ സിംഗ് ബംഗയെന്ന അജയ് ബംഗ ജനിച്ചത്. ഷിംലയിൽ നിന്നും ഹൈദരാബിൽ നിന്നും പ്രഥാമിക വിദ്യാഭ്യാസം പൂർത്തിയാക്കി. ഡൽഹി യൂണിവേഴ്സിറ്റിയിൽ നിന്നും ബിരുദവും അഹമ്മദാബാദ് ഐഐഎമ്മിൽ നിന്നും പിജിപിയും പൂർത്തിയാക്കി. 2016 അദ്ദേഹത്തിന് രാജ്യം പദ്മശ്രീ സമ്മാനിച്ചു.
Comments