ന്യൂഡൽഹി: ഇന്ത്യയിലെ മിക്കവാറും പേരുടെ നിത്യജീവിത്തിലെ ഭാഗമാകൻ അലക്സയ്ക്ക് കഴിഞ്ഞിട്ടുണ്ട്. ഇനിമുതൽ അലക്സയുടെ ഇന്ത്യൻ ഉപയോക്താക്കൾക്ക് യഥാർത്ഥ ശബ്ദത്തിനോടൊപ്പം പുരുഷ ശബ്ദവും ലഭിക്കും. ഇന്ത്യയിൽ അഞ്ച് വർഷം പൂർത്തിയാക്കുന്ന അവസരത്തിലാണ് പുതിയ ഫീച്ചർ ആമസോൺ അവതരിപ്പിച്ചിക്കുന്നത്.
ഇന്ത്യൻ ഉപയോക്താക്കൾക്ക് അലക്സയുടെ യഥാർത്ഥ ശബ്ദവും പുതിയ പുരുഷ ശബ്ദവും തമ്മിൽ മാറാൻ കഴിയും. പുതിയ ശബ്ദത്തിന് ഇംഗ്ലീഷ്, ഹിന്ദി ഭാഷകളിൽ പ്രതികരിക്കാൻ കഴിയുമെന്നും ആമസോൺ പുറത്തിറക്കിയ പ്രസ്താവനയിൽ വ്യക്തമാക്കുന്നു. ഉപകരണത്തിൽ അലക്സാ, ചെയിഞ്ച് യുവർ വോയിസ് (Alexa, change your voice) എന്ന് പറയുക വഴിയും ഉപകരണത്തിന്റെ ക്രമീകരണത്തിലൂടെയും ശബ്ദം മാറ്റാൻ സാധിക്കും.
ആമസോൺ വികസിപ്പിച്ച ഒരു ഇന്റലിജന്റ് പേഴ്സണൽ അസിസ്റ്റന്റ് സംവിധാനമാണ് അലക്സ. ആമസോൺ ലാബ് 126 വികസിപ്പിച്ച ഈ സാങ്കേതികവിദ്യ ആമസോൺ എക്കോ, ആമസോൺ എക്കോ ഡോട്ട് തുടങ്ങിയ ഉപകരണങ്ങളിൽ ആണ് ആദ്യമായി ഉപയോഗിച്ചത്. ശബ്ദം മുഖേന മനുഷ്യരുമായി ആശയവിനിമയം നടത്താനും, മ്യൂസിക് പ്ലേ ചെയ്യാനും, വാർത്തകൾ, കാലാവസ്ഥാ വിവരങ്ങൾ എന്നിവ ലഭ്യമാക്കാനും അലക്സ സഹായിക്കും. മറ്റ് സ്മാർട്ട് ഉപകരണങ്ങളെ നിയന്ത്രിക്കുന്ന ഹോം ഓട്ടോമേഷൻ സംവിധാനമായും അലക്സ ഉപയോഗിക്കുന്നു.
