ബാഴ്സലോണ : ആറ് പതിറ്റാണ്ടുകൾക്ക് ശേഷം ബ്രാൻഡ് ലോഗോ മാറ്റിയതറിയിച്ച് പ്രമുഖ കമ്പനിയായ നോക്കിയ. നോക്കിയ എന്ന വാക്ക് ഉൾക്കൊള്ളുന്ന അഞ്ച് വ്യത്യസ്ത രൂപങ്ങളാണ് പുതിയ ലോഗോയിൽ അവതരിപ്പിച്ചിരിക്കുന്നത്. കൂടാതെ നോക്കിയയുടെ ഐക്കോണിക് നിറമായ നീലയും ലോഗോയിൽ നിന്നും പുറത്തായി. വ്യത്യസ്ത തരത്തിലുള്ള വിവിധ നിറങ്ങളാണ് ലോഗോയിൽ ഉപയോഗിച്ചിരിക്കുന്നത്.
ഒരു സ്മാർട്ഫോൺ കമ്പനി എന്നതിൽ നിന്ന് മാറി ബിസിനസ്സ് ടെക്നോളജി കമ്പനിയെന്ന നിലയിൽ ഭാവി വികസന പദ്ധതികൾ ലക്ഷ്യമിട്ടാണ് നീക്കമെന്ന് ചീഫ് എക്സിക്യൂട്ടിവ് പെക്ക ലൻഡ്മാർക്ക് അറിയിച്ചു. ബാഴ്സലോണയിൽ തിങ്കളാഴ്ച ആരംഭിക്കുന്ന മൊബൈൽ വേൾഡ് കോൺഗ്രസിന് മുന്നോടിയായാണ് നോക്കിയയുടെ പുതിയ പ്രഖ്യാപനം.
ഒരു കാലത്ത് മൊബൈൽ ഫോൺ വിപണിയെ അടക്കി ഭരിച്ചിരുന്നത് നോക്കിയ ആയിരുന്നു. ആൻഡ്രോയ്ഡ് ഫോണുകളുടെ കുത്തൊഴുക്കോടെ അവരുടെ മേൽക്കൈ നഷ്ടപ്പെടുകയാണ്. മാറിയ സാഹചര്യത്തിൽ കമ്പനി പിടിച്ചു നിൽക്കാൻ പാടുപെടുകയാണ്. 2020 ലാണ് ലാൻഡ്മാർക്ക് കമ്പനിയുടെ നേതൃത്വം ഏറ്റെടുക്കുന്നത്. കൂടാതെ അദ്ദേഹം അവതരിപ്പിച്ച വികസന പദ്ധതികളുടെ പശ്ചാത്തലത്തിലാണ് പുതിയ മാറ്റം.
Comments