‘എ ട്രൂ ടേസ്റ്റ് ഓഫ് ഇന്ത്യ’! ആസ്വദിച്ച് ചായ നുണഞ്ഞ് ജർമൻ ചാൻസലർ; വൈറലായി ചിത്രങ്ങൾ

‘എ ട്രൂ ടേസ്റ്റ് ഓഫ് ഇന്ത്യ’ !-ഡൽഹിയിലെ ചാണക്യപുരിയിലെ ചായ നുണഞ്ഞ ശേഷം ജർമൻ ചാൻസലർ പറഞ്ഞ വാക്കുകളാണിത്. ഒലാഫ് ഷോൾസ് ചായ ആസ്വദിച്ച് കുടിക്കുന്നതിന്റെ ചിത്രങ്ങളാണിപ്പോൾ സമൂഹമാദ്ധ്യമങ്ങളിൽ നിറയുന്നത്. ‘സ്വാദിഷ്ടമായ ചായ രുചിക്കാതെ എങ്ങനെ ഇന്ത്യയിൽ നിന്ന് മടങ്ങും? എല്ലാവരും തീർച്ചയായും പോകേണ്ട ഇടമാണ് ഇതെന്നും പോകണമെന്നും എംബസി ട്വീറ്റ് ചെയ്തു. ഇന്ത്യയുടെ യഥാർത്ഥ രുചിയാണ് ഷോൾസ് അനുഭവിച്ചറിഞ്ഞതെന്നും ജർമൻ എംബസിയുടെ ട്വീറ്റിൽ കുറിക്കുന്നു.

How can you experience India without a delicious cup of Chai? We took @Bundeskanzler Olaf Scholz to our favorite tea shop at a street corner in Chanakyapuri. You should all go! A true taste of India. pic.twitter.com/SeYXujmJf0

— German Embassy India (@GermanyinIndia) February 26, 2023

കഴിഞ്ഞ ദിവസമാണ് ഷോൾസ് ദ്വിദിന സന്ദർശനത്തിനായി ഇന്ത്യയിലെത്തിയത്. തുടർന്ന് ഇരുവരും വിവിധ വിഷയങ്ങളിൽ കൂടിക്കാഴ്ച നടത്തി. യുക്രെയ്ൻ പ്രതിസന്ധി, വ്യാപാരം, നിക്ഷേപം, കാലാവസ്ഥ വ്യതിയാനം തുടങ്ങി നിരവധി വിഷയങ്ങളിൽ ഇരുവരും ചർച്ചകൽ സംഘടിപ്പിച്ചിരുന്നു.

യുദ്ധം അവസാനിപ്പിച്ച് ആഗോള സമാധാനം വീണ്ടെടുക്കാൻ ഇന്ത്യ തയ്യാറാണെന്നും അതിനാവശ്യമായ എന്ത് തരം ചർച്ചയ്‌ക്കും സന്നദ്ധത പ്രകടിപ്പിക്കുന്നതായും പ്രധാനമന്ത്രി നരേന്ദ്രമോദി വ്യക്തമാക്കിയിരുന്നു. ചർച്ചയിലൂടെയും നയതന്ത്രത്തിലൂടെയും പ്രതിസന്ധി പരിഹരിക്കണമെന്നാണ് അദ്ദേഹത്തിന്റെ ആഗ്രഹമെന്നും പ്രധാനമന്ത്രി പറഞ്ഞു.