കരുത്തുറ്റതും ഇടതൂർന്നതുമായ മുടിയിഴകൾക്ക് ഉപയോഗിക്കാവുന്ന ഏറ്റവും നല്ല പോംവഴിയാണ് തൈര്. തലയോട്ടിയെയും അതിനെ ബാധിക്കുന്ന അണുബാധകളിൽനിന്നും ബാക്ടീരിയകളിൽനിന്നിം പരിപാലിക്കുന്നതിന് തൈര് നല്ലൊരു ഉപാധിയാണ്. തൈരിൽ അടങ്ങിയിരിക്കുന്ന ബയോട്ടിൻ, സിങ്ക് എന്നിവ മുടി വേരിൽ നിന്ന് ശക്തിപ്പെടുത്താൻ സഹായിക്കുന്നു. വിറ്റാമിൻ ഇയുടെയും പ്രോട്ടീനിന്റെയും ഉറവിടം കൂടിയാണ് തൈര്.
പഴുത്ത പഴം നന്നായി ഉടച്ചെടുത്ത് അതിലേയ്ക്ക് രണ്ട് സ്പൂൺ വീതം തൈരും തേനും ചേർക്കുക. ശേഷം ഈ മിക്സ് തലയോട്ടിയിൽ നന്നായി മസാജ് ചെയ്ത് പിടിപ്പിക്കുക. അര മണിക്കൂർ നേരം ഈ പാക്ക് തലയോട്ടിയിൽ വെക്കുക. ശേഷം തണുത്ത വെള്ളത്തിൽ കഴുകി വൃത്തിയാക്കാം. ആഴ്ചയിൽ ഒരിക്കൽ ഈ പാക്ക് ചെയ്യുന്നത് നല്ലതാണ്.
ഒലിവ് ഓയിൽ തൈരിനോടൊപ്പം ചേർക്കുന്നത് മുടി വളർച്ച മെച്ചപ്പെടുത്താൻ സഹായിക്കുന്നു.തൈരിൽ രണ്ട് സ്പൂൺ ഒലിവ് ഓയിൽ ചേർത്ത് പാക്ക് ഉണ്ടാക്കുക.മുടി ഷാംപൂ ഉപയോഗിച്ച് വൃത്തിയാക്കി, നന്നായി ഉണക്കിയ ശേഷം ഈ മിശ്രിതം നന്നായി തേച്ചു പിടിപ്പിക്കണം. ചെറുതായി മസ്സാജ് ചെയ്യുക. 20 മിനിറ്റിനു ശേഷം ചെറു ചൂടുവെള്ളത്തിൽ കഴുകി വൃത്തിയാക്കാം.
ഒരു മുട്ടയുടെ വെള്ള രണ്ടോ മൂന്നോ സ്പൂൺ തൈര് ചേർത്തിളക്കി അര മണിക്കൂർ കഴിഞ്ഞ് ഇത് ശിരസിൽ മുതൽ മുടിയിഴകളുടെ അറ്റം വരെ തേച്ചു പിടിപ്പിക്കണം. അര മണിക്കൂറിനു ശേഷം കഴുകി കളയാം. ആഴ്ചയിൽ രണ്ട് തവണ ചെയ്യുന്നത് കേശ സംരക്ഷണത്തിന് ഇരട്ടി ഫലം നൽകും. മുട്ടയുടെ മണം മുടിയിൽ നിന്ന് പോകാൻ നല്ലൊരു ഷാംപൂവും ഉപയോഗിക്കാം.
