കേരള ബ്ലാസ്റ്റേഴ്സ് ടീം കൊച്ചിയിലെത്തി. ഇന്നലെ നടന്ന ഇന്ത്യൻ സൂപ്പർ ലീഗ് പ്ലേ ഓഫ് മത്സരത്തിൽ നിന്നും പുറത്തായതിന് പിന്നാലെയാണ് മടക്കം. ഏറെ വിവാദങ്ങൾ നിറഞ്ഞ മത്സരങ്ങൾക്ക് ശേഷം മടങ്ങിയെത്തിയ ടീമിന് വൻ സ്വീകരണമാണ് ലഭിച്ചത്. കൊച്ചി അന്താരാഷ്‌ട്ര വിമാനത്താവളത്തിലെത്തിയ സംഘത്തെ ആരാധകരുടെ നീണ്ട നിരയാണ് സ്വീകരിക്കാനെത്തിയിരുന്നത്. പരിശീലകൻ ഇവാൻ വുകമാനോവിചിന് ഒപ്പമാണ് തങ്ങളെന്ന് പറഞ്ഞാണ് ആരാധകരെത്തിയത്.
ഇവാന്റെ പേരിൽ ചാന്റുകളും അവർ പാടി. ആരാധകർക്ക് ബ്ലാസ്റ്റേഴ്സ് പരിശീലകൻ വ്യക്തമാക്കി. പ്രതികരിക്കാനില്ലെന്നാണ് ലൂണ പറഞ്ഞത്. നിരാശയുണ്ടെന്നാണ് കെപി രാഹുൽ പ്രതികരിച്ചത്. ഇന്നലെ ബെംഗളൂരു എഫ്‌സിയ്‌ക്ക് എതിരായ മത്സരം എക്‌സ്ട്രാ ടൈമിൽ എത്തി നിൽക്കേ ഗോൾ വിവാദത്തെ തുടർന്ന് ബ്ലാസ്റ്റേഴ്സ് ടീം മത്സരം ബഹിഷ്‌കരിച്ചിരുന്നു.
വുകമാനോവിച് തന്റെ താരങ്ങളെയും കൂട്ടി കളം വിട്ടത് ഫുട്‌ബോൾ ലോകത്തെ ആകെ ഞെട്ടിച്ചിരുന്നു. ഇന്ന് കൊച്ചിയിലെത്തിയ ബ്ലാസ്റ്റേഴ്സ് ടീമിന് വൻ സ്വീകരണം നൽകുന്നതിന് വേണ്ടി അണിനിരക്കാൻ മഞ്ഞപ്പട ഗ്രൂപ്പ് ഇൻസ്റ്റഗ്രാം പേജിലൂടെ അറിയിച്ചിരുന്നു.
