കുറച്ച് ദിവസങ്ങൾക്ക് മുമ്പാണ് മുൻ വിശ്വ സുന്ദരിയും ബോളിവുഡ് നടിയുമായ സുസ്മിത സെന്നിന് ഹൃദയാഘാതം ഉണ്ടായത്. നടി ഇക്കാര്യം തന്റെ സോഷ്യൽ മീഡിയ പ്ലാറ്റ്ഫോമിലൂടെയാണ് അറിയിച്ചിരുന്നത്. ഇപ്പോഴിതാ, ഇൻസ്റ്റാഗ്രാം ലെെവിൽ വന്ന് തന്റെ സമീപകാല ആരോഗ്യ ഭയത്തെക്കുറിച്ച് തുറന്നുപറഞ്ഞിരിക്കുകയാണ് സുസ്മിത. തന്റെ വെബ് സീരീസായ ആര്യ 3യുടെ ചിത്രീകരണം ഉടൻ ആരംഭിക്കുമെന്നും നടി പറഞ്ഞു. ആൻജിയോപ്ലാസ്റ്റി ചെയ്ത് തന്റെ ജീവൻ രക്ഷിച്ച ‘നാനാവതി ഹോസ്പിറ്റലിലെ’ ഡോക്ടർമാരോട് നന്ദി പറഞ്ഞ നടി, ടീമിനെ അഭിനന്ദിക്കുകയും ചെയ്തു. നിലവിൽ ആരോഗ്യനില തൃപ്തികരമാണെന്നും നടി അറിയിച്ചു.
https://www.instagram.com/p/CpXMX2voi8i/
“എനിക്ക് ഒരുപാട് സ്നേഹമുള്ളവരെ കാണാൻ കഴിയുന്നുണ്ട്, ഞാൻ ഉടൻ സുഖം പ്രാപിക്കും. എനിക്ക് കാത്തിരിക്കാനാവുന്നില്ല, ആര്യ സെറ്റിലേക്ക് ഉടൻ തിരിച്ചെത്തും. ഇതുവരെ കാണാത്ത ഒന്നായിരിക്കും ആര്യ സീസൺ 3യിലുടെ നിങ്ങൾക്ക് ഞാൻ നൽകാൻ പോകുന്നത്. എനിക്ക് വലിയ ഹൃദയാഘാതമുണ്ടായി, ധമനികളിൽ 95 ശതമാനം തടസ്സമുണ്ടായി. ഉടൻ തന്നെ ആൻജിയോപ്ലാസ്റ്റി ചെയ്ത് തന്റെ ജീവൻ രക്ഷിച്ച ‘നാനാവതി ഹോസ്പിറ്റലിലെ’ ഡോക്ടർമാർക്ക് വളരെയധികം നന്ദി. അഡ്മിഷൻ സമയത്തും ചികിത്സയ്ക്കിടെയും തന്റെ സ്വകാര്യത മാനിച്ചതിനും ഡോക്ടർമാർക്കും ടീമിനും നന്ദിയുണ്ട്. നിലവിൽ ആരോഗ്യനില തൃപ്തികരമാണെന്നും സുസ്മിത സെൻ പറഞ്ഞു.”
https://www.instagram.com/p/CpSF-IvtWG4/
രണ്ട് ദിവസം മുമ്പ് തനിക്ക് ഹൃദയാഘാതം സംഭവിച്ചുവെന്ന് നടി തന്നെയാണ് സമൂഹമാദ്ധ്യമങ്ങളിലൂടെ വെളിപ്പെടുത്തിയത്. താരം അഭിനയിച്ച പുതിയ വെബ് സീരീസിന്റെ റിലീസിന് ഏതാനും ദിവസങ്ങൾ മാത്രം ശേഷിക്കെയാണ് ഹൃദയാഘാത വിവരം പുറത്തുവന്നത്. നിങ്ങളുടെ ഹൃദയത്തെ സന്തോഷത്തോടെയും ഊർജ്ജസ്വലതയോടെയും കാത്തുസൂക്ഷിക്കൂവെന്നും നടി പ്രേക്ഷകരോട് പറഞ്ഞുിരുന്നു. 47-കാരിയായ സുഷ്മിത തന്റെ പിതാവ് സുബൈർ സെന്നിനൊപ്പം നിൽക്കുന്ന ചിത്രം പങ്കുവച്ചാണ് ഇക്കാര്യം ആരാധകരെ അറിയിച്ചത്. തനിക്ക് വലിയൊരു ഹൃദയമുണ്ടെന്ന് കാർഡിയോളജിസ്റ്റ് പറഞ്ഞുവെന്നും ഇപ്പോൾ ഇതെല്ലാം വെളിപ്പെടുത്തിയത് താൻ ആരോഗ്യത്തോടെ ഇരിക്കുന്ന വിവരം ആരാധകരെ അറിയിക്കാനാണെന്നും അവർ ഇൻസ്റ്റഗ്രാം പോസ്റ്റിൽ കുറിച്ചിരുന്നു.
