ഓരോ ഭക്തനും ഏറെ പ്രതീക്ഷയോടെ കാത്തിരിക്കുന്ന ഉത്സവമാണ് ആറ്റുകാൽ പൊങ്കാല. ഭക്തിസാന്ധരമായ ദിനത്തിൽ ആശംസകൾ നേർന്നിരിക്കുകയാണ് മലയാളത്തിന്റെ പ്രിയ വാമ്പാടി കെഎസ് ചിത്ര. പ്രകൃതി സൗഹൃദവും സുരക്ഷിതവുമാവട്ടെ ഈ പൊങ്കാല. മനുഷ്യനൊപ്പം പ്രകൃതിയ്ക്കും സുരക്ഷയേർപ്പെടുത്താൻ കഴിയട്ടെ എന്നാണ് ചിത്ര സമൂഹമാദ്ധ്യമങ്ങളിൽ കുറിച്ചത്.
മനോഹരമായ ഗാനത്തിനമ്പടിയോടെയാണ് ചിത്ര സന്ദേശം പങ്കുവെച്ചത്. പൂർണമായും ഹരിത ചട്ടങ്ങൾ പാലിച്ചും പ്ലാസ്റ്റിക് മാലിന്യങ്ങൾ പരമാവധി ഒഴിവാക്കി ആറ്റുകാൽ പൊങ്കാല അവിസ്മരണീയമാക്കി മാറ്റണമെന്നും വീഡിയോ സന്ദേശത്തിൽ പറയുന്നുണ്ട്.
മൺകലത്തിലാണ് പൊങ്കാല സമർപ്പിക്കുന്നത്. ഞാൻ എന്ന അഹംഭാവം വെടിഞ്ഞ് ആത്മസമർപ്പണം നടത്തണം. മൺകലം മനുഷ്യകലം മനുഷ്യശരീരവും പായസം മനസ്സുമാണ്. അഗ്നിയുടെ ചൂടുകൊണ്ട് അരി തിളച്ചുമറിയുന്നു.മനസ് നിഷ്കളങ്കമാകുമ്പോഴാണ് പായസം ദേവിയ്ക്ക് സമർപ്പിക്കുന്നത്. പഞ്ചഭൂതം കൊണ്ടുള്ള ശരീരത്തിൽ നിറഞ്ഞു നിൽക്കുന്ന ഈശ്വരചൈതന്യത്തെ കാമ ക്രോധ ലോഭ മോഹ മദം മത്സര്യം എന്നിവ ദുഷ്ടതകളാൽ മറച്ചുവെച്ചിക്കുന്നുവെന്നാണ് സങ്കൽപം. ഇവ തിളച്ച് മറിഞ്ഞ് ആവിയാക്കി അമ്മയുടെ കാലിലർപ്പിക്കുന്ന ചടങ്ങാണ് പൊങ്കാല.
