ഇൻസ്റ്റഗ്രാമിൽ 25 മില്യൺ ഫോളോവേഴ്സുള്ള ചെറുപ്പക്കാരനായി; ഹാർദിക് പാണ്ഡ്യ

ന്യൂഡൽഹി: ഇൻസ്റ്റാഗ്രാമിൽ 25 മില്യൺ ഫോളോവേഴ്‌സ് നേടുന്ന ഏറ്റവും പ്രായം കുറഞ്ഞ ക്രിക്കറ്റ് താരമായി ഹാർദിക് പാണ്ഡ്യ. ഗുജറാത്ത് ടൈറ്റൻസ് നായകൻ കൂടിയാണ് ഹാർദിക് പാണ്ഡ്യ

ഇൻസ്റ്റാഗ്രാമിൽ 25 ദശലക്ഷം ഫോളോവേഴ്സ്! നിങ്ങളുടെ സ്നേഹത്തിനും, അനുഗ്രഹങ്ങൾക്കും, പിന്തുണയ്‌ക്കും നന്ദി. ആരാധകരുടെ പിന്തുണക്ക് നന്ദി അറിയിച്ച് താരം ഇൻസ്റ്റഗ്രാമിൽ ഒരു വീഡിയോ പങ്കു വെച്ചിരുന്നു. ഭാര്യ നതാസ സ്റ്റാൻകോവിച്ച് ചോദിച്ച 25 ചോദ്യങ്ങൾക്ക് ഉത്തരം നൽകുന്ന ഒരു ചോദ്യോത്തര സെഷനും വീഡിയോയിൽ ഉൾപ്പെടുത്തിയിരുന്നു.

ഇപ്പോൾ റാഫേൽ നദാൽ, റോജർ ഫെഡറർ, മാക്സ് വെർസ്റ്റപ്പൻ, എർലിംഗ് ഹാലൻഡ് എന്നിവരെക്കാൾ കൂടുതൽ ഫോളോവേഴ്സ് താരത്തിനുണ്ട്. ഇൻസ്റ്റാഗ്രാമിൽ ഏറ്റവും കൂടുതൽ ഫോളോവേഴ്‌സുള്ള ഏക ക്രിക്കറ്റ് താരം വിരാട് കോഹ്ലിയാണ്. കൊഹിലിക്ക് 239 ദശലക്ഷം ഫോളോവേഴ്‌സാണ് ഉള്ളത്.

മാർച്ച് 17 മുതൽ ആരംഭിക്കുന്ന ഓസ്‌ട്രേലിയയ്‌ക്കെതിരായ ഏകദിന പരമ്പരയിലാണ് ഹാർദിക് അടുത്തതായി കളിക്കുന്നത്. ഇന്ത്യൻ പ്രീമിയർ ലീഗിന്റെ പതിനാറാം എഡിഷൻ മാർച്ച് 31 മുതൽ അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ ആരംഭിക്കും. നിലവിലെ ചാമ്പ്യന്മാരായ ഗുജറാത്ത് ടൈറ്റൻസും 4 തവണ ചാമ്പ്യന്മാരായ ചെന്നൈ സൂപ്പർ കിംഗ്‌സും തമ്മിലാണ് ആദ്യ മത്സരം നടക്കുന്നത്.