തൃശൂർ: ആളൂരിൽ അച്ഛനും രണ്ടര വയസുകാരനായ മകനും മരിച്ച നിലയിൽ. അച്ഛൻ ബിനോയ് മകൻ അഭിജിത്ത് കൃഷ്ണ എന്നിവരെയാണ് മരിച്ച നിലയിൽ കണ്ടെത്തിയത്. വീടിന്റെ അടുക്കളയിലായിരുന്നു മൃതദേഹങ്ങൾ കിടന്നിരുന്നത്. ബിനോയിയെ തൂങ്ങിമരിച്ച നിലയിലും മകന്റെ മൃതശരീരം ബക്കറ്റിലുമായിരുന്നു കണ്ടെത്തിയത് .
ലോട്ടറി വിൽപ്പന നടത്തി ഉപജീവനം നടത്തിയിരുന്നയാളാണ് മരിച്ച ബിനോയ്. ഹൃദയസംബന്ധമായ അസൂഖങ്ങളും ഇയാളെ അലട്ടിയിരുന്നു. കുഞ്ഞിനും ശാരീരിക പ്രശ്നങ്ങൾ ഉണ്ടായിരുന്നു.
രാവിലെ കുഞ്ഞിനെ കാണാത്തതിനെ തുടർന്ന് അമ്മ നടത്തിയ തിരച്ചലിലാണ് ബിനോയിയെ മരിച്ച നിലയിൽ കണ്ടത്. തുടർന്ന് കുഞ്ഞിനായി നാട്ടുകാർ നടത്തിയ തിരച്ചിലിലാണ് മൃതദേഹം ബക്കറ്റിൽ കണ്ടെത്തിയത്.
