ലോകത്തെ ഏറ്റവും സുന്ദരമായ സ്ഥലത്ത് മലയാളിയുടെ അതിസുന്ദരിയായ നടി! എത്ര മനോഹരമാണല്ലേ ആ കാഴ്ച. ഖജുരാഹോയിലെത്തിയ മലയാളിയുടെ സ്വന്തം നടി ശോഭനയെ കുറിച്ചാണ് പറയുന്നത്. അതുല്യമായ ഭാവാഭിനയം കൊണ്ടും നൃത്തം കൊണ്ടും കേരളത്തിന്റെ മനസ് കീഴടക്കിയ താരം സമൂഹമാദ്ധ്യമങ്ങളിൽ സജീവമാണ്.
യാത്രകളും മറ്റ് വിശേഷങ്ങളുമായി താരം സമൂഹമാദ്ധ്യമങ്ങളിലെത്താറുണ്ട്. ഖജുരാഹോയിൽ നിന്നുള്ള വീഡിയോ ദൃശ്യങ്ങളാണ് ഇന്റർനെറ്റ് ലോകത്ത് തരംഗം സൃഷ്ടിച്ചിരിക്കുന്നത്. കൽശിൽപങ്ങൾക്ക് മുൻപിൽ നൃത്തമാടുന്ന ശോഭനയെ വീഡിയോയിൽ കാണുന്നുണ്ട്. ഖുജരാഹോയിലെ കാവ്യഭംഗി തുളുമ്പുന്ന ശിൽപങ്ങൾക്ക് മുന്നിൽ നിന്നാണ് ശോഭന നൃത്തം ചെയ്യുന്നത്.
യുനെസ്കോയുടെ ലോക പൈതൃക സ്ഥമാണ് മധ്യപ്രദേശിലെ ഖജുരാഹോ. ബുന്ദേൽഖണ്ഡ് മേഖലയിൽ സ്ഥിതി ചെയ്യുന്ന ഖജുരാഹോ മധ്യകാലഘട്ടത്തിലെ ഇന്ത്യൻ വാസ്തുവിദ്യയും സംസ്കാരത്തിന്റെയും ഉജ്ജ്വലമായ ഉദാഹരണമാണ്.
സഞ്ചരികൾക്ക് ഖജുരാഹോയിലെ ക്ഷേത്രങ്ങൾ എളുപ്പത്തിൽ സന്ദർശിക്കാവുന്നതാണ്. ഇതിനായി ഇവയെ മൂന്ന് ഭാഗങ്ങളായി തിരിച്ചിരിക്കുന്നു. ഈസ്റ്റേൺ ഗ്രൂപ്പ്, സതേൺ ഗ്രൂപ്പ്, വെസ്റ്റേൺ ഗ്രൂപ്പ് എന്നിവയാണവ. ആർക്കിയോളജിക്കൽ സർവേ ഓഫ് ഇന്ത്യയുടെ ക്ഷേത്ര ചരിത്രവും വാസ്തുവിദ്യയും വിവരിക്കുന്ന ഓഡിയോ ഗൈഡഡ് ടൂറും ഉണ്ട്. എല്ലാ വർഷവും ഫെബ്രുവരിയിലാണ് ഖജുരാഹോ നൃത്തോത്സവം അരങ്ങേറുന്നത്.
ഇവിടെത്തെ ക്ഷേത്രങ്ങളിൽ ചിത്രഗുപ്ത, വിശ്വനാഥ ക്ഷേത്രങ്ങളിൽ വിവിധ ക്ലാസിക്കൽ ഇന്ത്യൻ നൃത്തങ്ങൾ ഇതിൽ അവതരിപ്പിക്കുന്നു. ക്ഷേത്ര സമുച്ചയങ്ങളിൽ എല്ലാ സായാഹ്നങ്ങളിലും സോൺ ലൂമിയർ ഷോ നടക്കുന്നു. ആദ്യ ഷോ ഇംഗ്ലീഷിലും രണ്ടാമത്തേത് ഹിന്ദിയിലുമാണ്. തുറന്ന പുൽത്തകിടിയിലാണ് ഇത് നടക്കുന്നത്.
