സമൂഹമാദ്ധ്യമങ്ങളിൽ വൈറലായി നയൻതാരയുടെയും വിഘ്നേഷ് ശിവന്റെയും ഉയിരും ഉലകവും. മക്കളുമായി വിമാനത്താവളത്തിലെത്തുന്ന വീഡിയോയാണ് വൈറലാകുന്നത്. ഉയിരിനും ഉലകത്തിനുമൊപ്പം മുംബൈ വിമാനത്താവളത്തിൽ എത്തിയതായിരുന്നു ഇരുവരും. കുഞ്ഞുങ്ങളെ ചേർത്തുപിടിച്ച ഇരുവരും അവരുടെ മുഖം ക്യാമറകളിൽ നിന്ന് മറച്ചുപിടിക്കുന്നതും വീഡിയോയിൽ കാണാം.
ഷാരൂഖ് ഖാനെ നായകനാക്കി അറ്റ്ലീ സംവിധാനം ചെയ്യുന്ന ജവാൻ എന്ന ചിത്രത്തിന്റെ ഷൂട്ടിങ്ങുമായി ബന്ധപ്പെട്ട് മുംബൈയിൽ എത്തിയതായിരുന്നു നയൻതാര. തുടർന്ന് ചെന്നൈയിലേക്ക മടങ്ങും വഴിയാണ് മാദ്ധ്യമങ്ങൾക്ക് മുന്നിലെത്തിയത്.
ജീവിതത്തിലെ പ്രിയനിമിഷങ്ങളെല്ലാം തന്നെ ആരാധകരുമായി പങ്കുവെയ്ക്കാറുണ്ട് ഇരുവരും. പ്രണയത്തെ കുറിച്ചും വിവാഹ ജീവിതത്തെ കുറിച്ചുപം ആരാധകർ അറിയുന്നത് വിഷ്നേശ് ശിവന്റെ അക്കൗണ്ട് വഴിയാണ്. ഒക്ടോബർ ഒമ്പതിനാണ് നയൻതാരയും വിഘ്നേശ് ശിവും ഇരട്ടക്കുട്ടികളായ ഉയിരുനെയും ഉലകത്തിനെയും പരിചയപ്പെടുത്തിയത്. ഇരട്ടക്കുട്ടികളുടെ അച്ഛനും അമ്മയും ആയതിൽ സന്തോഷമുണ്ടെന്നും അന്ന് വിഘ്നേശ് കുറിച്ചിരുന്നു.
Comments