അഹമ്മദാബാദ്: ഇന്ത്യയിലെത്തിയതിന് പിന്നാലെ ഹോളി ആഘോഷിച്ച് ഓസ്‌ട്രേലിയൻ പ്രധാനമന്ത്രി ആന്റണി ആൽബനീസ്. നാല് ദിവസത്തെ ഇന്ത്യാ സന്ദർശനത്തിനായി അഹമ്മദാബാദിലെത്തിയ അദ്ദേഹത്തിന് രാഷ്‌ട്രപതി ഭവനിൽ നൽകിയ വൻ സ്വീകരണത്തിന് പിന്നാലെയായിരുന്നു ആഘോഷം. നിറങ്ങൾ ചാർത്തിയും പുഷ്പങ്ങൾ വാരിയെറിഞ്ഞും ഹോളി ആഘോഷത്തിൽ പങ്കാളിയാകുന്ന ഓസ്‌ട്രേലിയൻ പ്രധാനമന്ത്രിയുടെ ചിത്രങ്ങളും വീഡിയോയും പുറത്തുവന്നിട്ടുണ്ട്. ട്വിറ്ററിലൂടെയാണ് അദ്ദേഹം പങ്കുവച്ചത്.
Happy Holi to everyone who celebrated at home in Australia. pic.twitter.com/5OcedkNfil
— Anthony Albanese (@AlboMP) March 8, 2023
ഇന്ത്യയിലെ അഹമ്മദാബാദ് നഗരത്തിൽ ഹോളി ആഘോഷിച്ചുവെന്ന് ആന്റണി ആൽബനീസ് ട്വിറ്ററിൽ കുറിച്ചു. തിന്മയുടെ മേൽ നന്മ നേടി വിജയത്തിന്റെ പ്രതീകമായ ഹോളി നൽകുന്ന സന്ദേശം നമുക്കെല്ലാവർക്കും ഒരു ഓർമ്മപ്പെടുത്തൽ കൂടിയാണെന്നും അദ്ദേഹം പറഞ്ഞു.
നിങ്ങളുടെ വിശ്വാസങ്ങൾ എന്താണെന്നോ നിങ്ങൾ എവിടെ നിന്നാണ് വന്നതെന്നോ ഇവിടെ വിഷയമല്ല. ഐക്യപ്പെടുത്തുന്ന എന്തിനെയും ഞങ്ങൾ ആഘോഷിക്കുകയും വിലമതിക്കുകയും ചെയ്യുമെന്നും ഹോളിയുടെ ചിത്രങ്ങൾ പങ്കുവച്ചുകൊണ്ട് ഓസ്‌ട്രേലിയൻ പ്രധാനമന്ത്രി വ്യക്തമാക്കി. ഓസ്‌ട്രേലിയയിൽ ഹോളി ആഘോഷിക്കുന്ന എല്ലാവർക്കും ആശംസകളെന്നും അദ്ദേഹം കൂട്ടിച്ചേർത്തു. രാഷ്‌ട്രപതി ഭവനിൽ ഹോളി ആഘോഷിക്കുന്നതിന്റെ വീഡിയോ ദൃശ്യങ്ങളും ആന്റണി ആൽബനീസ് സമൂഹ മാദ്ധ്യമത്തിൽ പങ്കുവച്ചിട്ടുണ്ട്.
No matter what your faith is or where you’ve come from—we celebrate and value what unites us. pic.twitter.com/wcowVPm4LW
— Anthony Albanese (@AlboMP) March 8, 2023
ബുധനാഴ്ച വൈകിട്ട് അഹമ്മദാബാദിൽ എത്തിയ അദ്ദേഹം ആദ്യം സബർമതി ആശ്രമമായിരുന്നു സന്ദർശിച്ചത്. ഇതിന് പിന്നാലെ രാഷ്‌ട്രപതി ഭവനിലേക്ക് യാത്ര തിരിക്കുകയായിരുന്നു. ഹോളി ആഘോഷത്തിൽ പങ്കെടുത്ത അദ്ദേഹം അടുത്തതായി പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തും.
