ശിവകാര്‍ത്തികേയന്റെ പുതിയ ചിത്രം പ്രഖ്യാപിച്ചു: തമിഴിലേക്ക് ചേക്കേറാൻ മലയാളി താരം അന്ന ബെൻ

ഒരുപിടി മികച്ച ചിത്രങ്ങളിലൂടെ മലയാളി പ്രക്ഷകരുടെ പ്രിയതാരമായി മാറിയ നടിയാണ് അന്ന ബെൻ. താരത്തിന്റെ പുതിയ ചിത്രത്തിന്റെ വാർത്തകളാണ് ഇപ്പോൾ ചർച്ചയാകുന്നത്. നടൻ ശിവകാര്‍ത്തികേയൻ നിര്‍മിക്കുന്ന പുതിയ ചിത്രത്തിലാണ് അന്ന ബെൻ എത്തുന്നത്. ‘കൊട്ടുകാളി’ എന്ന ചിത്രമാണ് പ്രഖ്യാപിച്ചിരിക്കുന്നത്. സിനിമ പ്രഖ്യാപിച്ചത് ശിവകാര്‍ത്തികേയൻ തന്നെയാണ്. സിനിമയിൽ സൂരിയും മലയാളിയായ അന്ന ബെന്നും പ്രധാന കഥാപാത്രമായി എത്തുന്നത്. പി എസ് വിനോദ് രാജാണ് സംവിധാനം.

Extremely happy to announce our @SKProdOffl's next film with the highly talented and award winning filmaker @PsVinothraj.

Starring my dearest @sooriofficial annan & an incredible performer @benanna_love.

Here's the firstlook of #Kottukkaali. pic.twitter.com/nM6jYrVSB8

— Sivakarthikeyan (@Siva_Kartikeyan) March 10, 2023

അതേസമയം കഴിഞ്ഞ വര്‍ഷം ഓസ്‍കര്‍ അവാര്‍ഡിനായുള്ള ഇന്ത്യയുടെ ഔദ്യോഗിക എൻട്രിയായ ‘കൂഴങ്കല്ല്’ ഒരുക്കിയ സംവിധായകനാണ് പി എസ് വിനോദ് രാജ്. തുടർന്ന് ‘കൂഴങ്കല്ലി’ന് റോട്ടര്‍ഡാം ചലച്ചിത്രമേളയില്‍ മികച്ച ചിത്രത്തിനുള്ള ടൈഗര്‍ പുരസ്‍കാരവും ലഭിച്ചിരുന്നു. ബി ശക്തിവേലാണ് ‘കൊട്ടുകാളി’ എന്ന ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. ഗണേഷ് ശിവയാണ് ചിത്രത്തിന്റെ എഡിറ്റിംഗ്.