ഈ സർക്കാരിന്റെ മാത്രം കാലത്തുണ്ടായ മാലിന്യമല്ല ബ്രഹ്‌മപുരത്തേതെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ. കാലങ്ങളായി തുടരുന്നതാണ് മാലിന്യ പ്രശ്നം, ഇതിന് തദ്ദേശ വകുപ്പിനെതിരായ അന്വേഷണം ശരിയല്ലെന്നും ആക്ഷേപങ്ങൾ പറ്റി പരിശോധിക്കുമെന്നും എംവി ഗോവിന്ദൻ കോട്ടയത്ത് പറഞ്ഞു. ഒരു സർക്കാരിന്റെ കാലത്തുണ്ടായ മാലിന്യമല്ല ബ്രഹ്‌മപുരത്തേത്. സർക്കാരിന്റെ മാത്രം കുറ്റമല്ലെന്നും. കോർപ്പറേഷനും ജനങ്ങൾക്കും മാലിന്യ വിഷയത്തിൽ തുല്യ ഉത്തരവാദിത്ത്വവും പങ്കുമുണ്ട്.
മാലിന്യത്തിന് പതിറ്റാണ്ടുകളുടെ പഴക്കമുണ്ട്. വിഷയത്തിൽ കൃത്യമായ നടപടിയുണ്ടാകുമെന്നും കൊല്ലം മാതൃകയിൽ മാലിന്യ സംസ്‌കരണം നടക്കുമെന്നും മുഖ്യമന്ത്രിയും ഇക്കാര്യം വ്യക്തമാക്കിയെന്നാണ് എംവി ഗോവിന്ദൻ പറഞ്ഞത്. പ്രശ്നം പരിഹാരിക്കാൻ സർക്കാരിനും ജനങ്ങൾക്കും നഗരസഭയ്‌ക്കും കൂട്ടുത്തരവാദിത്വമാണുള്ളത്. കൃത്യമായി പരിശോധിച്ചാണ് തദ്ദേശവകുപ്പ് പണം നൽകിയത്. മന്ത്രിയായിരിക്കുമ്പോൾ മേയറെയും കരാറുകാരെയും വിളിച്ച് താൻ റിവ്യു നടത്തിയിട്ടുണ്ടെന്നും. വിഷയത്തിൽ സർക്കാരിന് നല്ല ജാഗ്രതയുണ്ടെന്നും എംവി ഗോവിന്ദൻ പറഞ്ഞു.
