ബെംഗളൂരു: നാടിനെ ഞെട്ടിച്ച് നഗരമധ്യത്തിൽ യുവതിയുടെ മൃതദേഹം. ബെംഗളൂരു റെയിൽവേ സ്റ്റേഷനിൽ പ്ലാസ്റ്റിക് ഡ്രമ്മിനുള്ളിലാണ് യുവതിയുടെ മൃതദേഹം കണ്ടെത്തിയത്. ബൈയപ്പനഹള്ളി റെയിൽവേ സ്റ്റേഷന്റെ പ്രവേശന കവാടങ്ങളിലൊന്നിന് സമീപമാണ് ഡ്രം കണ്ടെത്തിയത്. വസ്ത്രങ്ങൾ കൊണ്ട് മൂടിയ നിലയിലായിരുന്നു മൃതദേഹം. 31-നും 35-നും ഇടയിൽ പ്രായമുള്ള സ്ത്രീയുടെതാണ് മൃതദേഹം എന്നാണ് പ്രാഥമിക വിവരം.
മൂന്ന് പേർ ഡ്രമ്മുമായി ഓട്ടോറിക്ഷയിൽ റെയിൽവേ സ്റ്റേഷൻ പരിധിയിൽ എത്തിയതായി പോലീസ് അന്വേഷണത്തിൽ കണ്ടെത്തി. മിച്ചലിപട്ടണത്ത് നിന്ന് ട്രെയിനിലാണ് മൃതദേഹം കൊണ്ടുപോയതെന്നാണ് വിവരം. സംഭവത്തിൽ പോലീസ് കേസെടുത്ത് അന്വേഷമം പുരോഗമിക്കുകയാണ്.
കഴിഞ്ഞ ജനുവരി നാലിന് യശ്വന്ത്പൂർ റെയിൽവേ സ്റ്റേഷൻ പരിസരത്ത് നിന്നും സമാനമായ രീതിയിൽ സ്ത്രീയുടെ മൃതദേഹം കണ്ടെടുത്തിരുന്നു. റെയിൽവേ സ്റ്റേഷനിലം ക്ലീനിംഗ് ജീവനക്കാരാണ് 20 വയസന് മുകളിൽ പ്രായമുള്ള യുവതിയുടെ മൃതദേഹം അഴുകിയ നിലയിൽ കണ്ടെത്തിയത്. പ്ലാസ്റ്റിക് ഡ്രമ്മിനുള്ളിൽ ഒളിപ്പിച്ച നിലയിലായിരുന്നു മൃതദേഹം.
