കണ്ണൂർ: വളപട്ടണം പോലീസ് സ്റ്റേഷൻ വളപ്പിൽ തീയിട്ട സംഭവത്തിൽ കാപ്പ പ്രതി അറസ്റ്റിൽ. ചാണ്ടി ഷമീം എന്നയാളാണ് പോലീസിന്റെ പിടിയിലായത്. വിവിധ കേസുകളിലായി പിടിച്ചു വെച്ച് അഞ്ച് വാഹനങ്ങളാണ് ഇയാൾ കത്തിച്ചത്. ഒരു ജീപ്പും കാറും ബുള്ളറ്റും പൂർണമായി കത്തി. ഒരു സ്കൂട്ടറും കാറും ഭാഗികമായി കത്തി നശിച്ചു. ഇന്ന് പുലർച്ചെ മൂന്ന് മണിയോടെയാണ് ഇയാൾ വാഹനങ്ങൾക്ക് തീയിട്ടത്. തളിപ്പറമ്പിൽ നിന്നും അഗ്നിരക്ഷാസേനയെത്തിയാണ് തീ അണച്ചത്.
കഴിച്ച ദിവസം പ്രതി ഷമീം പോലീസ് സ്റ്റേഷനിലെത്തി ബഹളം വെച്ചിരുന്നു. ഒരു ഉദ്യോഗസ്ഥനെ കയ്യേറ്റം ചെയ്യുകയും ചെയ്തിരുന്നു. കത്തിയമർന്ന വാഹനങ്ങളിൽ ഒന്ന് ഷമീമിന്റെതാണ്. ഇയാളുടെ സഹോദരനെ ഇന്നലെ പോലീസ് കസ്റ്റഡിയിൽ എടുത്തിരുന്നു.
