ന്യൂഡൽഹി: ലണ്ടൻ സന്ദർശനവേശയിൽ ഇന്ത്യക്കെതിരെ നടത്തിയ പരാമർശങ്ങൾ നടത്തിയ രാഹുലിനെതിരെ ലോക്സഭയിൽ ആഞ്ഞടിച്ച് കേന്ദ്ര യുവജനകാര്യ–കായിക മന്ത്രി അനുരാഗ് ഠാക്കൂർ. രാഹുൽ ഗാന്ധി പാർലമെന്റിൽ വന്ന് രാജ്യത്തോട് മാപ്പ് പറയണമെന്നും അദ്ദേഹം പറഞ്ഞു. ഇന്ത്യയെ അപകീർത്തിപ്പെടുത്താൻ ശ്രമിക്കുന്ന രാഹുലിന്റെ പ്രവർത്തിക്കെതിരെ ലോക്സഭയിലാണ് അദ്ദേഹം തുറന്ന് പറഞ്ഞത്.
“ഇന്ത്യയെ അപമാനിക്കാനുള്ള ഒരു അവസരവും രാഹുൽ ഗാന്ധി അവശേഷിപ്പിക്കുന്നില്ല. അദ്ദേഹം പാർലമെന്റിൽ വന്ന് രാജ്യത്തോട് മാപ്പ് പറയണം. തീവ്രവാദ ഫണ്ടിംഗ് കേസുകൾ അന്വേഷിക്കുന്ന സംഘടനകൾ ഇപ്പോൾ കോൺഗ്രസിലെ അഴിമതിയെ കുറിച്ച് പഠനം നടത്തണം.”- അനുരാഗ് ഠാക്കൂർ പറഞ്ഞു.
ഇന്ത്യയിൽ ജനാധിപത്യം തകർന്നെന്ന രാഹുലിന്റെ പ്രസ്താവന ലോകത്തിന് മുന്നിൽ രാജ്യത്തിന് അപമാനം. ലണ്ടനിൽ ഇന്ത്യയെ അപകീർത്തിപ്പെടുത്താൻ രാഹുൽ ഗാന്ധി ശ്രമിച്ചെന്നും രാജ്നാഥ് സിംഗും കഴിഞ്ഞ ദിവസം പറഞ്ഞിരുന്നു.
