ഇലക്ട്രിക്ക് കാർ ഇഷ്ടപ്പെടുന്ന സാധാരണക്കാരെ ലക്ഷ്യമിട്ട് പ്രമുഖ ബ്രിട്ടീഷ് വാഹനനിർമ്മാതാക്കളായ എം.ജി.പത്ത് ലക്ഷം രൂപയ്ക്ക് താഴെ വില പ്രതീക്ഷിക്കുന്ന കുഞ്ഞൻ ഇലക്ട്രിക്ക് കാർ കോമെറ്റ് ഇ.വി അടുത്തമാസം ഇന്ത്യൻ വിപണിയിലെത്തും. ടാറ്റാ മോട്ടോഴ്സിന്റെ ടിയാഗോ ഇ.വി, സിട്രോണിന്റെ ഇസി എന്നിവയായിരിക്കും കോമെറ്റ് ഇവിയുടെ പ്രധാന എതിരാളികൾ. രണ്ട് ഡോർ എന്നത് ഈ കാറിന്റെ പ്രത്യേകതയാണ്.
നഗരനിരത്തുകൾക്ക് അനുയോജ്യമായ വിധമാണ് കോമെറ്റ് രൂപകൽപന ചെയ്തിട്ടുള്ളത്. രണ്ട് ഡോർ ആണെങ്കിലും 4 പേർക്ക് യാത്ര ചെയ്യാം. എൽ.ഇ.ഡിയിലാണ് ഹെഡ്ലൈറ്റും ടെയ്ൽലൈറ്റും ഒരുക്കിയിരിക്കുന്നത്. അകത്തളത്തിൽ 10.25 ഇഞ്ച് സ്ക്രീനോട് കൂടിയ ഇൻഫോടെയ്ൻമെന്റ് സംവിധാനവും ഉണ്ട്.
17.3 കെ.ഡബ്ള്യു.എച്ച്, 26.7 കെ.ഡബ്ള്യു.എച്ച് എന്നിങ്ങനെ ബാറ്ററി പായ്ക്കുകളുള്ള രണ്ട് വേരിയന്റുകൾ ലഭ്യമാണ്. ഇരു വേരിയന്റുകളും ബാറ്ററി ഒറ്റത്തവണ ഫുൾചാർജിൽ യഥാക്രമം 200 കിലോമീറ്റർ, 300 കിലോമീറ്റർ ദുരം സഞ്ചരിക്കാം.
Comments