മാഡ്രിഡ്: പിറ്റ് ബുൾ ആക്രമണത്തിൽ ഗുരുതരമായി പരിക്കേൽക്കുകയും ജീവൻ നഷ്ടപ്പെടുകയും ചെയ്ത വാർത്തകൾ ഒരുപാടുണ്ട്. കഴിഞ്ഞ ദിവസം സ്പെയിനിലെ ഒരു സ്ത്രീക്കും പിറ്റ്ബുള്ളിന്റെ അക്രമണത്തിൽ ജീവൻ നഷ്ടപ്പെട്ടു. ഉപേക്ഷിക്കപ്പെട്ട നിലയിൽ കണ്ടെത്തിയ നായയെ സ്ത്രീ തന്നെയാണ് വീട്ടിൽ കൊണ്ടുവന്ന് വളർത്തിയത്.
62 കാരിയായ സ്ത്രീയുമായി വളരെ ഇണക്കത്തിലായിരുന്ന നായ ഒട്ടും പ്രതീക്ഷിക്കാതെയാണ് ആക്രമകാരിയയതെന്ന് സമീപവാസികൾ പറയുന്നു. മകാസ്ട്രെ എന്ന നഗരത്തിൽ തനിച്ചായിരുന്നു കൊല്ലപ്പെട്ട സ്ത്രീ താമസിച്ചിരുന്നത്. രണ്ട് മക്കളും വിദേശത്ത് ജോലി ചെയ്യുന്നത്. ഇവർക്ക് മൃഗങ്ങളോട് പ്രത്യേകം സ്നേഹവും അനുകമ്പയും ഉണ്ടായിരുന്നു. ഈ സംഭവം അതുകൊണ്ട് തന്നെ തങ്ങളുടെ കമ്മ്യൂണിറ്റിയെ ഒന്നാകെ വേദനിപ്പിച്ചിരിക്കുകയാണ് എന്നും മകാസ്ട്രെ നഗരത്തിലെ മേയർ മാധ്യമങ്ങളോട് പറഞ്ഞു.
ഉപേക്ഷിക്കപ്പെട്ട പിറ്റ്ബുള്ളിനെ ഇവർ കൊല്ലപ്പെടുന്നതിന് കുറച്ച് ദിവസങ്ങൾക്കുമുൻപാണ് കിട്ടിയത്. അവർ അതിന് ഭക്ഷണം നൽകുകയും നന്നായി പരിചരിക്കുകയും ചെയ്തിരുന്നു.കഴിഞ്ഞ മാസം 24-നായിരുന്നു സംഭവം.
Comments