തിരുവനന്തപുരം : രാഷ്ട്രപതി ദ്രൗപദി മുർമു ഇന്ന് അമൃതപുരിയിലെത്തും മാതാ അമൃതാനന്ദമയി ദേവിയെ സന്ദർശിക്കും. രാവിലെ 9.55 ന് കുടുംബാംഗങ്ങളോടൊപ്പം അമൃതപുരി മാതാ അമൃതാനന്ദമയി മഠത്തിലെത്തുന്ന രാഷ്ട്രപതിയെ സന്യാസിനിമാരുടെ നേതൃത്വത്തിൽ സ്വീകരിക്കും. തുടർന്ന് ദ്രൗപതി മുർമു മാതാ അമൃതാനന്ദമയി ദേവിയുമായി കൂടിക്കാഴ്ച നടത്തും. ഗവർണർ ആരിഫ് മുഹമ്മദ് ഖാനും രാഷ്ട്രപതിക്കൊപ്പമുണ്ടാകും. അരമണിക്കൂറോളം നേരത്തെ കൂടിക്കാഴ്ചയാണ് നിശ്ചയിച്ചിരിക്കുന്നത്. തുടർന്ന് പത്തരയോടെ രാഷ്ട്രപതി അമൃതപുരിയിൽ നിന്ന് മടങ്ങും. മൂന്ന് ദിവസത്തെ കേരള സന്ദർശനത്തിനായി ഇന്നലെ ഉച്ചയോടെയാണ് രാഷ്ട്രപതി ദ്രൗപദി മുർമു കൊച്ചിയിലെത്തിയത്.
രാഷ്ട്രപതി ദ്രൗപദി മുര്മു ഇന്ന് കരുനാഗപ്പള്ളി അമൃതാനന്ദമയി മഠത്തില് സന്ദര്ശനം നടത്തുന്നതുമായി ബന്ധപ്പെട്ട് ഗതാഗത നിയന്ത്രണം ഏര്പ്പെടുത്തുമെന്ന് ജില്ലാ കലക്ടര് അഫ്സാനാ പര്വീണ് അറിയിച്ചു. രാഷ്ട്രപതിയുടെ വാഹനവ്യൂഹം കടന്നു പോകുന്ന കായംകുളം- ഓച്ചിറ-ഇടയനമ്പലം-ആയിരംതെങ്ങ്-അഴീക്കല്-പറയകടവ്- അമൃതപുരി റൂട്ടില് രാവിലെ എട്ടുമുതല് 10:25 വരെയാണ് ഗതാഗത നിയന്ത്രണം ഉണ്ടാവുക. കൂടാതെ അമൃതപുരി-ചെറിയഴീക്കല്-ലാലാജി ജങ്ഷന് റൂട്ടിലും ഗതാഗത നിയന്ത്രണം ഉണ്ടായിരിക്കും. പ്രദേശത്തെ വിദ്യാഭ്യാസ സ്ഥാപനങ്ങളും പൊതുജനങ്ങളും പൊലീസ് നിര്ദേശ പ്രകാരം യാത്ര ക്രമീകരിക്കേണ്ടതാണെന്നും കലക്ടര് അറിയിച്ചു.
