മോഹൻലാലിനെ നായകനാക്കി ലിജോ ജോസ് പെല്ലിശ്ശേരി സംവിധാനം ചെയ്യുന്ന ആദ്യ ചിത്രമാണ് മലൈക്കോട്ടൈ വാലിബന്. ചിത്രത്തെ കുറിച്ചുള്ള കൂടുതൽ വിവരങ്ങളൊന്നും ഇതുവരെയും അണിയറ പ്രവർത്തർ പുറത്ത് വിട്ടിട്ടില്ല. കാസ്റ്റിംഗ് വിവരങ്ങളും അങ്ങനെ തന്നെയാണ്. എന്നാല് ചിത്രത്തിനൊപ്പം ഭാഗമാവുന്ന താരങ്ങളില് പലരും തങ്ങളുടെ സാന്നിധ്യം പേജുകളിലൂടെ പുറത്ത് അറിയിച്ചിരുന്നു.
ഇപ്പോഴിതാ, ചിത്രത്തിൽ അഭിനയിക്കുന്ന മനോജ് മോസെസ് എന്ന പുതുമുഖ നടന്റെ പിറന്നാൾ ആഘോഷം സമൂഹമാദ്ധ്യമങ്ങളിൽ വൈറലായിരിക്കുകയാണ്. ഇതോടെ രണ്ട് യുവതാരങ്ങളെ കുറിച്ചുള്ള വിവരങ്ങൾ കൂടി വെളിപ്പെട്ടിരിക്കുകയാണ്.
പുതുമുഖ നടൻ മനോജ് മോസെസ്, ബംഗാളി നടി കഥ നന്ദി എന്നിവരാണ് ചിത്രത്തില് മോഹന്ലാലിനൊപ്പം എത്തുന്നത്. മനോജ് മോസസിന് ആശംസകള് നേര്ന്ന് വാലിബന് ടീം ലൊക്കേഷനില് ലളിതമായ ആഘോഷമാണ് സംഘടിപ്പിച്ചത്. മോഹന്ലാലിന്റെയും ലിജോയുടെയുമൊക്കെ സാന്നിധ്യത്തില് പിറന്നാള് കേക്ക് മുറിക്കുന്ന തന്റെ വീഡിയോ മനോജ് തന്റെ ഇന്സ്റ്റഗ്രാം അക്കൗണ്ടിലൂടെ പുറത്തുവിട്ടിരുന്നു. ബംഗാളി നടി കഥ നന്ദിയും ഈ ഫ്രെയിമില് ഉണ്ട്.
മൂൺവാക്ക്’ എന്ന സിനിമയിലൂടെ അഭിനയ രംഗത്തെത്തിയ താരമാണ് മനോജ്.
മലൈക്കോട്ടൈ വാലിബന്റെ ചിത്രീകരണം ജനുവരി 18 ന് രാജസ്ഥാനിലാണ് ആരംഭിച്ചത്. രാജസ്ഥാനില്ത്തന്നെയാണ് സിനിമയുടെ പൂര്ണ്ണമായ ചിത്രീകരണം നടക്കുന്നത്. ഷിബു ബേബി ജോണിന്റെ ഉടമസ്ഥതയില് ആരംഭിച്ച ജോണ് മേരി ക്രിയേറ്റീവ് ലിമിറ്റഡിനൊപ്പം മാക്സ് ലാബ് സിനിമാസ്, ആമേന് മൂവി മോണാസ്ട്രി, സെഞ്ച്വറി ഫിലിംസ് എന്നിവര് ചേര്ന്നാണ് നിര്മാണം. പി.എസ്. റഫീഖിന്റേതാണ് തിരക്കഥ. സംഗീതം പ്രശാന്ത് പിള്ള. മധു നീലകണ്ഠന് ആണ് ഛായാഗ്രഹണം. ലിജോയുടെ ശിഷ്യനും സംവിധായകനുമായ ടിനു പാപ്പച്ചനാണ് ചീഫ് അസോഷ്യേറ്റ് ഡയറക്ടര്.
Comments