യുഎന്നിൽ നിറഞ്ഞാടി കാന്താര; സന്തോഷം പങ്കുവെച്ച് ഋഷഭ് ഷെട്ടി

ഋഷഭ് ഷെട്ടിയുടെ ‘കാന്താര’ വീണ്ടും തിയേറ്ററിൽ നിറഞ്ഞാടി. റിലീസ് ചെയ്ത് ഏഴ് മാസത്തിന് ശേഷമാണ് കാന്താര വീണ്ടും തിയേറ്ററിൽ എത്തിയത്. അകാലത്തിൽ വിടപറഞ്ഞു പോയ പ്രിയതാരം പുനീത് രാജ്കുമാറിന്റെ പിറന്നാളിനോട് അനുബന്ധിച്ച് യുഎന്നിലാണ് ചിത്രത്തിന്റെ സ്പെഷ്യൽ സ്‌ക്രീനിംഗ് കഴിഞ്ഞ ദിവസം നടന്നത്.

ഐക്യരാഷ്‌ട്രസഭയിലെ ജനീവയിൽ പാഥെ ബാലെക്സെർട്ട് തീയറ്ററിലാണ് കാന്താര വീണ്ടും പ്രദർശിപ്പിച്ചത്.സ്‌ക്രീനിങ്ങിന് ശേഷം ഋഷഭ് ഷെട്ടി കന്നഡയിൽ പ്രമുഖരുമായി സംവദിച്ചു. പിന്നീട് യുഎൻ വിശിഷ്ടാതിഥികൾക്കൊപ്പം ഒരു സ്വകാര്യ അത്താഴത്തിൽ പങ്കെടുക്കുകയും ചെയ്തു. ഇതുമായി ബന്ധപ്പെട്ട ചിത്രങ്ങൾ ഋഷഭ് ഷെട്ടി ട്വിറ്ററിൽ പങ്കുവെച്ചിട്ടുണ്ട്.

ಜಿನೆವಾದಲ್ಲಿ ನಮ್ಮ ಕಾಂತಾರ ಸಿನಿಮಾದ ವಿಶೇಷ ಪ್ರದರ್ಶನ 😍
ಪ್ರಪಂಚದಾದಿ ಇರುವ ಗಣ್ಯಾತಿ ಗಣ್ಯರು ನಮ್ಮ ಕಾಂತರ ಸಿನಿಮಾ ನೋಡಿ ಅದರ ಸಂದೇಶವನ್ನು ಗ್ರಹಿಸಿ ಪ್ರಶಂಸಿದ ಪರಿ ಶ್ಲಾಘನೀಯ, ಇದಕ್ಕೆ ಕಾರಣರಾದ ಹೆಮ್ಮೆಯ ಕನ್ನಡಿಗರಿಗೆ ಅಭಿನಂದನೆಗಳು🙏@IndraManiPR #IndiaUNGeneva #CGI #PermanentMissionofIndiainGeneva #Kantara pic.twitter.com/XLLAlII0aG

— Rishab Shetty (@shetty_rishab) March 18, 2023

ಜಿನೆವಾದಲ್ಲಿ ನಮ್ಮ ಕಾಂತಾರ ಸಿನಿಮಾದ ವಿಶೇಷ ಪ್ರದರ್ಶನ 😍
ಪ್ರಪಂಚದಾದಿ ಇರುವ ಗಣ್ಯಾತಿ ಗಣ್ಯರು ನಮ್ಮ ಕಾಂತರ ಸಿನಿಮಾ ನೋಡಿ ಅದರ ಸಂದೇಶವನ್ನು ಗ್ರಹಿಸಿ ಪ್ರಶಂಸಿದ ಪರಿ ಶ್ಲಾಘನೀಯ, ಇದಕ್ಕೆ ಕಾರಣರಾದ ಹೆಮ್ಮೆಯ ಕನ್ನಡಿಗರಿಗೆ ಅಭಿನಂದನೆಗಳು🙏@IndraManiPR #IndiaUNGeneva #CGI #PermanentMissionofIndiainGeneva #Kantara pic.twitter.com/XbwvEJirpM

— Rishab Shetty (@shetty_rishab) March 18, 2023

‘ജനീവയിൽ ഞങ്ങളുടെ കാന്താര സിനിമയുടെ പ്രത്യേക പ്രദർശനം നടന്നു.
ലോകമെമ്പാടുമുള്ള പ്രമുഖർ നമ്മുടെ കാന്താര സിനിമ കാണുകയും അതിന്റെ സന്ദേശത്തെ അഭിനന്ദിക്കുകയും ചെയ്തത് പ്രശംസനീയമാണ്, ഇതിന് കാരണക്കാരായ എല്ലാ കന്നഡിഗർക്കും അഭിനന്ദനങ്ങൾ’- ഋഷഭ് ഷെട്ടി ട്വീറ്റ് ചെയ്തു.

അതേസമയം സമീപകാലത്ത് ഇന്ത്യൻ സിനിമ കണ്ട എറ്റവും വലിയ വിജയമായിരുന്നു ‘കാന്താര’ എന്ന കന്നഡ ചിത്രം സ്വന്തമാക്കിയത്. ഋഷഭ് ഷെട്ടി സംവിധാനം ചെയ്ത് അഭിനയിച്ച കാന്താര ലോകമെങ്ങും തരംഗം സൃഷ്ടിച്ചു. സെപ്റ്റംബർ 30-ന് ആയിരുന്നു കാന്താര തിയേറ്ററുകളിൽ എത്തിയത്. പിന്നീട് ചിത്രം ഒടിടിയിലും സ്ട്രീമിംഗ് ആരംഭിച്ചിരുന്നു.

കാന്താരയുടെ രണ്ടാം ഭാഗം ഒരുക്കാനുള്ള തയാറെടുപ്പിലാണ് ഋഷഭ് ഷെട്ടി. കാന്താരയുടെ 100 ദിവസം ആഘോഷിക്കുന്ന വേളയിലാണ് ചിത്രത്തിന്റെ പ്രീക്വൽ ഒരുങ്ങുന്ന വിവരം ഋഷഭ് ഷെട്ടി വ്യക്തമാക്കിയത്. ഇപ്പോൾ കണ്ടത് സിനിമയുടെ രണ്ടാം ഭാഗമാണ്. ഇനി ഒന്നാം ഭാഗം ഒരുക്കുമെന്നാണ് താരം അറിയിച്ചത്.