ഹൈദ്രബാദ്: ഇന്ത്യ- ഓസ്ട്രേലിയ ഏകദിന പരമ്പരയിലെ രണ്ടാം മത്സരം ഇന്ന് വിശാഖപട്ടണത്ത് നടക്കും. ഉച്ചക്ക് 1.30-ന് മത്സരം ആരംഭിരക്കാനിരിക്കെ കാലാവസ്ഥ വിനയാകുമോ എന്ന ഭയത്തിലാണ് ആരാധകർ. കാലാവസ്ഥ വിദഗ്ദരുടെ നിർദ്ദേശമനുസരിച്ച് ഇന്ന് വിശാഖപട്ടണത്ത് ഇടിയോടു കൂടിയ മഴയ്ക്ക് സാധ്യതയുണ്ട.
നിലവിൽ മത്സരത്തിന്റെ ധാരാളം ടിക്കറ്റുകൾ വിറ്റഴിഞ്ഞിട്ടുണ്ട്. സ്ഥലത്തെ കാലാവസ്ഥ മേഘാവൃതമായി തുടരുന്നതിനാലും ആശങ്കകൾ ഏറെയാണ്. ഉച്ചയ്ക്ക് ഒരുമണിക്കും അഞ്ച് മണിക്കും ഇടയിൽ ശക്തമായ മഴയ്ക്ക് സാധ്യതയുണ്ടെന്ന് കാലവസ്ഥ വിദഗ്ദർ അറിയിച്ചു. മൈതാനം 80 ശതമാനത്തിന് മുകളിൽ ഈർപ്പമുള്ളതാകാൻ സാധ്യതയുണ്ടെന്നും മുന്നറിയിപ്പുണ്ട്.
ആദ്യ മത്സരത്തിൽ അഞ്ച് വിക്കറ്റിന് പരാജയപ്പെടുത്തി ആത്മവിശ്വാസത്തിലാണ് ഇന്ത്യ. ആദ്യ മത്സരത്തിൽനിന്ന് വിട്ടുനിന്ന രോഹിത് ശർമ്മ ഇന്ന് കളത്തിലിറങ്ങും, ഇന്നത്തെ മത്സരം വിജയിച്ചാൽ ഇന്ത്യക്ക് പരമ്പര സ്വന്തമാക്കാൻ സാധിക്കും.
