നാട്ടു നാട്ടുവിനൊപ്പം ചുവടുവച്ച് ‘ടെസ്‌ല’; അവിശ്വസനീയ പ്രകടനമെന്ന് ആരാധകർ

ആർആർആറിലെ നാട്ടു നാട്ടു എന്ന ഗാനത്തിന്റെ അലയൊലികൾ ഇപ്പോഴും ലോകമെങ്ങും മുഴങ്ങുകയാണ്. ഓസ്‌കർ നേട്ടത്തോടെ നിരവധി വിദേശികളിലേക്ക് എത്താൻ കീരവാണിയുടെ സംഗീതത്തിന് സാധിച്ചിരുന്നു. സെലിബ്രിറ്റികൾ, ക്രിക്കറ്റ് താരങ്ങൾ, നയതന്ത്രജ്ഞർ, സാധാരണക്കാർ തുടങ്ങി എല്ലാ മേഖലകളിലുമുള്ളവർ നാട്ടുനാട്ടു എന്ന ഗാനത്തിനൊപ്പം ഇന്ന് ആടുകയും പാടുകയും ചെയ്യുകയാണ്. ഇപ്പോഴിതാ നാട്ടു നാട്ടുവിനൊപ്പം ലൈറ്റ് ഷോ അവതരിപ്പിക്കുന്ന ടെസ്‌ല കാറുകളുടെ അത്യുഗ്രൻ പ്രകടനമാണ് ഇന്റർനെറ്റിൽ വൈറലാകുന്നത്.

ആർആർആർ സിനിമയുടെ ഔദ്യോഗിക ട്വിറ്റർ അക്കൗണ്ടിലൂടെയാണ് ടെസ്‌ലയുടെ ലൈറ്റ് ഷോ പങ്കുവച്ചിരിക്കുന്നത്. ന്യൂ ജേഴ്‌സിയിലായിരുന്നു സംഭവം. 1,75,000 കാഴ്ചക്കാരെയാണ് ഇതുവരെ വീഡിയോ നേടിയത്. പതിനായിരത്തിലധികം ലൈക്കുകളും പ്രകടനത്തിന് ലഭിച്ചു.

.@Teslalightshows light sync with the beats of #Oscar Winning Song #NaatuNaatu in New Jersey 🤩😍

Thanks for all the love. #RRRMovie @Tesla @elonmusk pic.twitter.com/wCJIY4sTyr

— RRR Movie (@RRRMovie) March 20, 2023

ഒറിജിനൽ സോംഗ് വിഭാഗത്തിൽ ഓസ്‌കറിലേക്ക് നോമിനേഷൻ ലഭിക്കുന്ന ആദ്യ തെലുങ്ക് പാട്ടാണ് നാട്ടു നാട്ടു. എംഎം കീരവാണിയുടെ ചടുലമായ ഈണവും ജൂനിയർ എൻടിആറിന്റെയും രാം ചരണിന്റെയും കിടിലൻ ചുവടുകളുമാണ് നാട്ടു നാട്ടുവിന്റെ പ്രത്യേകത.