റായ്പൂർ: ഛത്തീസ്ഗഡിലെ വനമേഖലയിൽ പോലീസുമായുള്ള ഏറ്റുമുട്ടലിൽ കമ്യൂണിസ്റ്റ് ഭീകരവനിത കൊല്ലപ്പെട്ടു. ബീജാപൂർ ജില്ലയിലെ ഗംഗളൂർ പോലീസ് സ്റ്റേഷൻ പരിധിയിലുള്ള വനമേഖലയിലാണ് ഏറ്റുമുട്ടൽ നടന്നത്. ബീജാപൂർ ജില്ലാ റിസർവ് ഗാർഡും (ഡിആർജി) പ്രത്യേക ടാസ്ക് ഫോഴ്സും (എസ്ടിഎഫ്) ചേർന്ന് തിരച്ചിൽ ആരംഭിച്ചു. സുരക്ഷാ സേനയ്ക്ക് നേരെ കമ്യൂണിസ്റ്റ് തീവ്രവാദികൾ ആക്രമം നടത്തുകയായിരുന്നു. ഇതെ തുടർന്ന് സുരക്ഷാ സേനയും കമ്യൂണിസ്റ്റ് തീവ്രവാദികളും തമ്മിൽ വെടിവയ്പ്പ് നടന്നു.
ഏറ്റുമുട്ടലിൽ ഒരു കമ്യൂണിസ്റ്റ് ഭീകരവനിത കൊല്ലപ്പെടുകയും അവരുടെ മൃതദേഹം കണ്ടെടുക്കുകയും ചെയ്തുവെന്ന് പോലീസ് അറിയിച്ചു. 12-ബോർ റൈഫിളുകളും പോലീസ് കണ്ടെടുത്തിട്ടുണ്ട്. ഡിആർജി, എസ്ടിഎഫ്, സിആർപിഎഫ് സേനകൾ സമീപപ്രദേശങ്ങളിൽ കൂടുതൽ തിരച്ചിൽ നടത്തുന്നുണ്ടെന്നും ഉദ്യോഗസ്ഥരെല്ലാം സുരക്ഷിതരാണെന്നും അധികൃതർ അറിയിച്ചു.
