തിരുവനന്തപുരം: ബില്ല് അടക്കാത്തവരുടെ വൈദ്യുതി ബന്ധം വിച്ഛേദിക്കുന്നതിന് പുതിയ മാർഗനിർദേശം പുറത്തിറക്കി സംസ്ഥാന സർക്കാർ. ഇത് സംബന്ധിച്ച് വൈദ്യുതമന്ത്രി കെ.എസ്.ഇ.ബിയിലെ ഉന്നത ഉദ്യോഗസ്ഥരുമായി ചർച്ച നടത്തി.
ബില്ലടക്കാത്തവരുടെ ഫോണിലേക്ക് ബില്ലടച്ചില്ല എന്ന് കാണിക്കുന്ന സന്ദേശങ്ങളുടെ എണ്ണം കൂട്ടും. കൂടാതെ ബില്ലടക്കാത്തവരുടെ വീടുകളിൽ ഉദ്യോഗസ്ഥർ എത്തി വൈദ്യുതിബന്ധം വിച്ഛേദിക്കുന്നത് പ്രവർത്തി ദിവസങ്ങളിൽ ഉച്ചയ്ക്ക് ഒരു മണിവരെ ആക്കി. വൈദ്യുതി വിച്ഛേദിച്ചാൽ ആ വിവരം രജിസ്റ്റർ ചെയ്ത ഫോൺ നമ്പർ വഴി ഉപഭോക്താവിനെ അറിയിക്കും.
കൊല്ലത്ത് മുന്നറിയിപ്പു നൽകാതെ ഐസ്ക്രീം പാർലറിന്റെ ഫ്യൂസ് ഊരിയ സംഭവത്തെ തുടർന്നാണ് പുതിയ മാനദണ്ഡങ്ങൾ പുറത്തിറക്കിയത്.
Comments