ഡോക്‌ടരുടെ നിർദേശമില്ലാതെ വിറ്റാമിൻ ​ഗുളികകൾ കഴിക്കാറുണ്ടോ?; എങ്കിൽ നിങ്ങളെ തേടി വരുന്ന അസുഖങ്ങൾ ഇത്…

ശരീരത്തിൽ വിറ്റാമിന്റെ അളവ് കുറയുമ്പോഴാണ് ഡോക്ടർമാർ വിറ്റാമിൻ ​ഗുളികകൾ നിർദേശിക്കുന്നത്. ചിലരെങ്കിലും ശരീതത്തിന് അമിതമായ ക്ഷീണം അനുഭവപ്പെടുമ്പോൾ ​
ഡോക്ടർമാരു‌ടെ അനുമതി ഇല്ലാതെ വിറ്റാമിൻ ​ഗുളികകൾ വാങ്ങിച്ച് കഴിക്കാറുണ്ട്. ഇത് ​ഗുണത്തെക്കാൾ ശരീരത്തിൽ ദോഷത്തിനാണ് കാരണമാകുന്നത്. സ്വയം വാങ്ങി കഴിക്കുമ്പോൾ അളവ് കൂടിപോയാൽ ​ഗുരുതരമായ ആരോ​ഗ്യപ്രശ്നങ്ങളും നേരിടേണ്ടി വരും.

ഡോക്ടറുടെ നിർദേശമില്ലാതെ കഴിക്കുമ്പോൾ വിവിധ വിറ്റാമിനുകൾ ശരീരത്തിന് എപ്രകാരമാണ് ഹാനികരമാകുന്നതെന്ന് നോക്കാം.

വിറ്റാമിൻ എ – അമിതമായി കഴിച്ചാൽ ഓക്കാനം, വയറിന് മുറുക്കം എന്നിവയ്‌ക്ക് കാരണമാകും ഒരു പരിധി കഴിഞ്ഞാൽ കോമയിലേക്ക് പ്രവേശിക്കാനും ഒരുപക്ഷെ മരണത്തിനും കാരണമായേക്കാം.

വിറ്റാമിൻ ബി – ഈ വിറ്റാമിൻ പല തരത്തിലുണ്ട്, അവയിലേതെങ്കിലും അമിതമായി കഴിക്കുന്നത് ഉയർന്ന രക്തസമ്മർദ്ദം, വയറുവേദന, കാഴ്ചക്കുറവ്, കരൾ തകരാറ് തുടങ്ങിയ ആരോഗ്യപ്രശ്നങ്ങളിലേക്ക് നയിച്ചേക്കാം.

വിറ്റാമിൻ സി – വിറ്റാമിൻ സിയുടെ അമിത ഉപഭോഗം വയറിളക്കം, വയറുവേദന, ഓക്കാനം, ഛർദ്ദി, മൈഗ്രെയ്ൻ എന്നിവയ്‌ക്ക് കാരണമാകും.

വിറ്റാമിൻ ഡി- വിശപ്പില്ലായ്മ, ക്രമരഹിതമായ ഹൃദയമിടിപ്പ്, പെട്ടെന്നുള്ള ഭാരക്കുറവ്, അവയവങ്ങളുടെ കേടുപാടുകൾ എന്നിവ വിറ്റാമിൻ ഡിയുടെ അമിത അളവ് മൂലം സംഭവിക്കുന്നതാണ്.

വിറ്റാമിൻ ഇ – ഉയർന്ന അളവിൽ വിറ്റാമിൻ ഇ ശരീരത്തിലെത്തുന്നത് വയറുവേദനയ്‌ക്ക് കാരണമാകുകയും രക്തം കട്ടപിടിക്കുന്നത് തടയുകയും രക്തസ്രാവത്തിന് കാരണമാവുകയും ചെയ്യും.