കൊച്ചി ; എംഡിഎംഎയുമായി അറസ്റ്റിലായത് താൻ അല്ലെന്ന് നടി അഞ്ജു കൃഷ്ണ അശോക്. അറസ്റ്റിലായ നാടക നടിക്ക് അഞ്ജു കൃഷ്ണയുടെ പേരുമായി സാമ്യതകൾ വന്നതോടെ അഞ്ജു സോഷ്യൽ മീഡിയ ആക്രമണങ്ങൾക്ക് ഇരയായിരുന്നു.
മയക്കുമരുന്ന് കേസുമായി ബന്ധപ്പെട്ട് അറസ്റ്റിലായ ആ നടി താനല്ല എന്ന് വ്യക്തമാക്കി കൊണ്ട് കഴിഞ്ഞ ദിവസം തന്നെ അഞ്ജു കൃഷ്ണ അശോക് സോഷ്യൽ മീഡിയയിൽ പോസ്റ്റ് ഷെയർ ചെയ്തിരുന്നു. എംഡിഎംഎയുമായി കേസിൽ പിടിക്കപ്പെട്ട അഞ്ജു കൃഷ്ണ നാടക നടിയാണ്.
മോഡലും അഭിനേത്രിയും ഒക്കെയാണ് അഞ്ജു കൃഷ്ണ അശോക് . തൃക്കാക്കരയില് എംഡിഎംഎയുമായി പിടികൂടിയ നാടക നടിയെന്നു അവകാശപ്പെടുന്ന കഴക്കൂട്ടം സ്വദേശിനി അഞ്ജു കൃഷ്ണയെ പോലീസ് വിശദമായി ചോദ്യം ചെയ്യുന്നു. താൻ നായകനടിയാണെന്നാണ് ഇവർ പോലീസിനോട് പറഞ്ഞത് .യുവതിയില് നിന്നും കൂടുതല് കാര്യങ്ങള് അറിയാനുണ്ടെന്ന നിഗമനത്തിലാണ് പോലീസ്.
