റംസാൻ മാസാരംഭത്തിൽ വിശ്വാസികൾക്ക് ആശംസകൾ നേർന്ന് പ്രധാനമന്ത്രി

ന്യൂഡൽ​ഹി: റംസാൻ ആരംഭത്തിൽ വിശ്വാസികൾക്ക് ആശംസകൾ നേർന്ന് പ്രധാനമന്ത്രി നരേന്ദ്രമോദി. ഈ പുണ്യമാസത്തിൽ സമൂഹത്തിന് ഒത്തൊരുമയും സമൃദ്ധിയും ഉണ്ടാകട്ടെയെന്ന് പ്രധാനമന്ത്രി ട്വീറ്റ് ചെയ്തു. ഇത് പാവപ്പെട്ടവരെ സേവിക്കേണ്ട മാസമാണെന്നും അദ്ദേഹം ട്വീറ്റ് ചെയ്തു.

“ഈ പുണ്യമാസം നമ്മുടെ സമൂഹത്തിന് ഒത്തൊരുമയും സമൃദ്ധിയും നൽകട്ടെ. കൂടാതെ അശക്തരെ സേവിക്കുന്നതിന്റെ പ്രാധാന്യം മനസ്സിലാക്കാൻ അവസരമൊരുക്കട്ടെ”- പ്രധാനമന്ത്രി ട്വീറ്റ് ചെയ്തു.

Best wishes on the start of Ramzan. pic.twitter.com/SJk5qNAIRm

— Narendra Modi (@narendramodi) March 24, 2023

മാസപ്പിറവി കണ്ടതിന്റെ അടിസ്ഥാനത്തിലാണ് റംസാൻ ആരംഭിക്കുന്നത്. ഈ വർഷം ഈദുൽ ഫിത്തർ ഏപ്രിൽ 21, 22- നോ എത്തിച്ചേരുമെന്നാണ് കണക്കുക്കൂട്ടൽ.

ഭക്ഷണപാനീയങ്ങള്‍ ഉപേക്ഷിച്ചും പ്രാര്‍ത്ഥനകളില്‍ മുഴുകിയുമായിരിക്കും ഇസ്ലാംമത വിശ്വാസികള്‍ ഇനിയുള്ള ഒരു മാസം കഴിയുന്നത്. സമൂഹ നോമ്പുതുറയും ദാനധര്‍മങ്ങളുമായി ഉദാരതയുടെ മാസം കൂടിയായാണ് റംസാനെ കാണുന്നത്.