എറണാകുളം: കട്ടിംഗ് സൗത്ത് എന്ന് പേരിൽ കൊച്ചിയിൽ നടക്കുന്ന ആദരിക്കൽ ച്ചടങ്ങിൽ താൻ പങ്കെടുക്കുന്നില്ലെന്ന് ഗോവ ഗവർണർ ശ്രീധൻ പിള്ള അറിയിച്ചു. മാർച്ച് 25ന് നടക്കുന്ന സമ്മേളനം ഗോവ ഗവർണർ ഉദ്ഘാടനം ചെയ്യുമെന്ന് കാട്ടി നോട്ടീസ് അച്ചടിച്ചിരുന്നു. എന്നാൽ തനിക്ക് ഈ സംഘടനയെ പറ്റി അറിയില്ലെന്നും ആർക്കും അനുമതി നൽകിയിട്ടില്ലെന്നും രാജ്ഭവൻ ഇറക്കിയ വാർത്തകുറിപ്പിൽ പറയുന്നു.
കട്ടിംഗ് സൗത്ത് എന്ന സംഘടയുമായി ബന്ധമില്ലെന്നും മാർച്ച് 25ന് നടത്തുന്ന പരിപാടിക്ക് പങ്കെടുക്കാമെന്ന് ഗവർണറോ രാജ് ഭവനോ യാതൊരു സമ്മതവും നൽകിയിട്ടില്ല എന്നുമാണ് രാജ്ഭവൻ നൽകുന്ന വിശദീകരണം.
ഇതിന് മുൻപ് യുണൈറ്റ്ഡ് സ്റ്റേറ്റ്സ് ഒഫ് സൗത്ത് ഇന്ത്യ എന്ന പേരിൽ വിഘടനവാദ ആശയം ഉയർന്നിരുന്നു. അതിന്റെ ആശയത്തോട് കട്ടിംഗ് സൗത്തിന് സാമ്യമുണ്ടെന്ന് വാദിച്ച് പ്രക്ഷോപം ഉയർന്നിരുന്നു. ഇതിനിടയിലാണ് ഗോവ ഗവർണറുടെ ഔദ്യോഗിക പ്രഖ്യാപനം. കട്ടിംഗ് സൗത്ത് എന്ന പരിപാടിയിൽ രാജ്യത്തെ വിഷലിപ്തമാക്കുന്ന ആശയങ്ങളാണ് പ്രതിപാദിക്കുന്നതെന്നും ഇതിന് പിന്നിൽ രാജ്യവിരുദ്ധ ലക്ഷ്യമാണെന്നും കാട്ടി വലിയ പ്രതിഷേധം ഉയർന്നിരുന്നു.
