ഭാര്യയുമായി വേർപിരിയുന്നുവെന്ന് നടൻ വിനായകൻ. ഫേസ്ബുക്കിൽ പങ്കുവച്ച വീഡിയോയിലൂടെ വിനായൻ ഇക്കാര്യം ആരാധകരോട് പങ്കുവെച്ചത്. ഭാര്യയുമായുള്ള എല്ലാ ബന്ധങ്ങളും അവസാനിക്കുന്നുവെന്നും വിനായകൻ പറഞ്ഞു.
‘ഞാൻ മലയാളം സിനിമ ആക്ടർ വിനായകൻ. ഞാനും എന്റെ ഭാര്യയുമായിട്ടുള്ള, എല്ലാ ഭാര്യാഭർത്തൃ ബന്ധങ്ങളും നിയമപരമായിട്ടുള്ള എല്ലാ ബന്ധങ്ങളും ഈ ഒരു നിമിഷം കൊണ്ട് ഇല്ലാതാകുന്നു. എല്ലാവർക്കും നന്ദി’. എന്നാണ് വിനായകൻ വീഡിയോയിൽ പറഞ്ഞത്.
തെന്നിന്ത്യൻ ചിത്രങ്ങളിലെ സജീവ സാന്നിധ്യമാണ് വിനായകൻ. ഹിന്ദിയലും താരം അഭിനയിച്ചിട്ടുണ്ട്. തമ്പി കണ്ണന്താനത്തിന്റെ മോഹൻലാൽ ചിത്രം മാന്ത്രികത്തിലൂടെയാണ് വിനായകൻ അഭിനയരംഗത്തേക്ക് കടന്നു വരുന്നത്. എ.കെ സാജൻ സംവിധാനം ചെയ്ത സ്റ്റോപ് വയലൻസ് എന്ന ചിത്രത്തിലെ കഥാപാത്രമാണ് വിനായകന് മലയാള സിനിമയിൽ ഒരു മുഖ്യസ്ഥാനം നേടികൊടുത്തത്. കമ്മട്ടിപ്പാടം എന്ന ചിത്രത്തിലെ അഭിനയത്തിന് മികച്ച നടനുള്ള സംസ്ഥാന അവാർഡും നേടിയിട്ടുണ്ട്.
