പുതുമുഖങ്ങളെ പ്രേക്ഷകർക്ക് മുന്നിലേക്കെത്തിച്ച് വൻ വിജയമായി മാറിയ ചിത്രമാണ് ആനന്ദം. ഏഴു വർഷങ്ങൾക്ക് ശേഷം ആനന്ദത്തിന്റെ സംവിധായകൻ ഗണേശ് രാജിന്റെ പുതിയ ചിത്രം പൂക്കാലം തിയേറ്ററുകളിലേക്ക് എത്തുകയാണ്. വിജയരാഘവൻ, കെ.പി.എ.സി ലീല എന്നിവർ പ്രധാന വേഷത്തിലെത്തുന്ന ചത്രം ഏപ്രിൽ 8-നാണ് തിയേറ്ററുകളിൽ എത്തുന്നത്. ഒരു സാധരണ കുടുംബത്തിലെ നൂറു വയസ്സുള്ള ദമ്പതിമാരുടെ കഥയാണ് ചിത്രം. ആനന്ദം സിനിമയിൽ ടാറ്റുമോളായി എത്തിയ അനു ആൻറണിയും വരുണായെത്തിയ അരുൺ കുര്യനും പൂക്കാലത്തിൽ കഥാപാത്രങ്ങളെ അവതരിപ്പിക്കുന്നുണ്ട്. ഇട്ടൂപ്പ് കുടുംബനാഥനായ കൂട്ടുകുടുംബത്തിലെ കൊച്ചുമകളുടെ മനസമ്മതത്തിന്റെ കഥാണ് പൂക്കാലം. മനസമ്മതത്തിനിടയിൽ നടക്കുന്ന സംഭവവികാസങ്ങിലുടെയാണ് കഥ നിങ്ങുന്നത്.
വളരെ നാളുകൾക്ക് ശേഷം മുഴുനീള കോമഡിയുമായി അബു സലിമും ചിത്രത്തിൽ എത്തുന്നുണ്ട്. കൂടാതെ, ബേസിൽ ജോസഫ്, വിനീത് ശ്രീനിവാസൻ, ജോണി ആൻറണി, അരുൺ കുര്യൻ, അനു ആൻറണി, റോഷൻ മാത്യു, അരിസ്റ്റോ സുരേഷ്്, രഞ്ജിനി ഹരിദാസ് തുടങ്ങിയ വലിയ താരവിരയാണ് ചിത്രത്തിലുള്ളത്. സി.എൻ.സി. സിനിമാസ് ആൻറ് തോമസ് തിരുവല്ലാ ഫിലിംസിന്റെ ബാനറിൽ വിനോദ് ഷൊർണൂരും തോമസ് തിരുവല്ലയും ചേർന്നാണ് ചിത്രം നിർമ്മിച്ചിരിക്കുന്നത്. കൈതപ്രം, റഫീഖ് അഹമ്മദ്, വിനായക് ശശികുമാർ എന്നിവരാണ് ഗാനരചനയും മിഥുൻ മുരളി എഡിറ്റിംഗും നടത്തുന്നു.
