ന്യൂഡൽഹി: ജനംടിവി മൂന്നാം ഗ്ലോബൽ എക്‌സലൻസ് അവാർഡ് കേന്ദ്രമന്ത്രി പീയുഷ് ഗോയൽ സമ്മാനിച്ചു. വ്യവസായ രംഗത്ത് വ്യക്തിമുദ്ര പതിപ്പിച്ച 11 പേർക്കാണ് ഗ്ലോബൽ എക്‌സലൻസ് അവാർഡ് സമ്മാനിച്ചത്. രാജ്യസഭ എംപിയും ബിജെപി കേരള ഘടകം പ്രഭാരിയുമായ പ്രകാശ് ജാവദേക്കർ, ജനം ടിവി എംഡി യുഎസ് കൃഷ്ണകുമാർ എന്നിവർ പരിപാടിയിൽ സന്നിഹിതരായി.
വാണിജ്യ വ്യവസായ രംഗത്ത് വ്യക്തിമുദ്ര പതിപ്പിച്ച 12 പേർക്ക് കേന്ദ്രമന്ത്രി പീയുഷ് ഗോയൽ അവാർഡ് സമ്മാനിച്ചു. ജ്യോതി ലാബ്‌സ് എംഡി- ജ്യോതി എംആർ, ഫാം ഫെഡ് ഗ്രൂപ്പ് ജനറൽ മാനേജർ- റോബിൻ ചിറമൽ, പിട്ടാപ്പിള്ളിൽ ഏജൻസീസ് എംഡി- പീറ്റർ പോൾ പിട്ടാപ്പിള്ളിൽ, മാംഗോ മെഡോസ് അഗ്രിക്കൾച്ചർ തീം പാർക്ക് ഡയറക്ടർ- എൻകെ കുര്യൻ, പേൾ വിസ്ഡം സ്‌കൂൾ ഗ്രൂപ്പ് വൈസ് ചെയർമാൻ -സൂരജ് രാമചന്ദ്രൻ, ടാൾറോപ്പ് സിഇഒ -സഫീർ നജിമുദ്ദീൻ, ഹരിദേവ് ഫോർമുലേഷൻ എംഡി -രഘു എംഎസ്, റിലയന്റ് ക്രെഡിറ്റ്‌സ് എംഡി- ജോസ്‌കുട്ടി സേവ്യർ, അർക്കായിസ് സ്റ്റഡി എബ്രോഡ് സിആഒ- ദിലീപ് രാധാകൃഷ്ണൻ മെർനെയ്ഡ് ഡിജിറ്റൽ ചെയർമാൻ- പികെ പ്രീത് എന്നിവരാണ് പുരസ്‌കാരത്തിന് അർഹരായത്.
യഥാർത്ഥ അവകാശികളുടെ കൈകളിലാണ് ജനം ഗ്ലോബൽ എക്‌സലൻസ് അവാർഡ് എത്തിയിരിക്കുന്നതെന്നും അവാർഡ് ജേതാക്കൾക്ക് ആശംസകൾ നേരുന്നതായും പീയുഷ് ഗോയൽ പറഞ്ഞു. പുരസ്‌കാരം നേടിയവർ ഭാരതത്തിന്റെ വളർച്ചയ്‌ക്ക് സംഭാവനകൾ നൽകുന്നവരാണെന്നും അവരെ അഭിനന്ദിക്കാൻ വേദി ഉപയോഗിക്കുന്നതായും മന്ത്രി പറഞ്ഞു.
അയ്യപ്പ വിഗ്രഹമാണ് ജനം ടിവി എംഡി യു.എസ് കൃഷ്ണകുമാർ പീയുഷ് ഗോയലിന് സമ്മാനിച്ചത്. ചടങ്ങിൽ രാഷ്‌ട്രീയ സാമൂഹ്യ രംഗത്തെ നിരവധി പേർ പങ്കെടുത്തു. തുടർന്ന കലാപരിപാടികളും അരങ്ങേറി.
Comments