ന്യൂഡൽഹി: സംസ്കൃതവും ലിത്വാനിയൻ ഭാഷയും തമ്മിലുള്ള പ്രാചീനമായ ബന്ധത്തെക്കുറിച്ച് ജനങ്ങൾക്കിടയിൽ പ്രചരണം നടത്താൻ പദ്ധതിയുമായി ലിത്വാനിയൻ എംബസി. ഇതിന്റെ ഭാഗമായി തെരുവോര ചുമർച്ചിത്ര പദ്ധതിക്ക് ഡൽഹിയിൽ തുടക്കം കുറിച്ചു. സംസ്കൃത വാക്കുകളും അവയോട് സാമ്യമുള്ള ലിത്വാനിയൻ വാക്കുകളും പൊതുയിടങ്ങളിലെ ചുമരുകളിൽ വരച്ചുചേർത്താണ് പ്രചരണം ആരംഭിച്ചിരിക്കുന്നത്.
ഡൽഹിയിലെ മന്ദിർമാഗിലെ ഹാർട്ട്കോർട്ട് ബട്ട്ലർ സ്കൂളിലെ ചുമരുകളിലാണ് ആദ്യമായി പദ്ധതി നടപ്പിലാക്കിയിരിക്കുന്നത്. ലിത്വാനിയൻ ഭാഷയും സംസ്ക്യതവും തമ്മിലുളള സമാനതകൾ ഇരുരാജ്യങ്ങളും തമ്മിലുളള ബന്ധത്തെ ചൂണ്ടിക്കാട്ടുന്നതായി ലിത്വാനിയ അംബാസിഡർ ഡയാനമിക്കിവിസിയ പറഞ്ഞു. ഇന്ന് നിലനിൽക്കുന്നതിൽവെച്ച് സംസ്കൃതവുമായി ഏറ്റവും സാമ്യമുള്ള ഭാഷയാണ് ലിത്വാനിയൻ എന്നും ഇരു ഭാഷകളും തമ്മിലുള്ള ബന്ധത്തെക്കുറിച്ച് ഗവേഷണം നടത്താൻ ഞങ്ങൾ ആഗ്രഹിക്കുന്നതായും ഡയാന പറഞ്ഞു. ഇത് ഇന്ത്യയും ലിത്വാനിയും തമ്മിലുളള സൗഹ്യദത്തിന്റെ അടയാളമാണെന്നും അവർ പറഞ്ഞു.
ലിത്വാനിയൻ കലാകാരനായ ലിനസ് കാസിയുലിയോണിസ് ആണ് ചുമർചിത്രം വരച്ചത്. ചുമർ ചിത്രത്തിൽ അഗ്നി, ദേവ എന്നീ വാക്കുകൾ ഉപയോഗിച്ചിട്ടുണ്ട്. ഇത് ഇരു രാജ്യങ്ങളും തമ്മിലുളള ഭാഷപരവും സാംസ്കാരികപരവുമായ ബന്ധത്തെയാണ് സൂചിപ്പിക്കുന്നത്.
ലിത്വാനിയൻ എംബസി വിലീനിയസ് യൂണിവേഴ്സിറ്റിയുമായി സഹകരിച്ച് സംസ്കൃതവുമായി സാമ്യമുള്ള 108 ലിത്വാനിയൻ വാക്കുകൾ ഉൾപ്പെട്ട നിഘണ്ടു തയ്യാറാക്കിയിട്ടു. ലിത്വാനിയനും, സംസംസ്ക്യത ഭാഷയും കൂടിച്ചേർന്ന് 108 പദങ്ങളുള്ള ഒരു നിഘണ്ടു തയ്യാറാക്കിയിട്ടുണ്ട്.
ഏപ്രിലിൽ ലിത്വാനിയയിൽ ഇന്ത്യൻ എംബസി പ്രവർത്തനം ആരംഭിക്കും. ലിത്വാനിയയിൽ എംബസി ആരംഭിക്കാൻ കാബിനറ്റ് അടുത്തിടെ തീരുമാനമെടുത്തിരുന്നു.
