പ്രഭാസ് കേന്ദ്ര കഥാപാത്രത്തെ അവതരിപ്പിക്കുന്ന ‘ആദിപുരുഷ്’ ആരാധകർ ഏറെ ആകാംക്ഷയോടെ കാത്തിരിക്കുന്ന ചിത്രമാണ്. ഇതിഹാസ്യ കാവ്യമായി ഒരുങ്ങുന്ന ചിത്രത്തിൽ പ്രഭാസ് നായകനായി എത്തുന്നു എന്ന കാരണത്താൽ ചിത്രത്തിന് ലഭിച്ച പ്രേക്ഷക പ്രീതി വളരെ വലുതാണ്. ഇപ്പോഴിതാ ചിത്രത്തിന്റെ പോസ്റ്റർ പുറത്തുവിട്ടിരിക്കുകയാണ് അണിയറ പ്രവർത്തകർ.
ആദിപുരുഷിന്റെ പ്രദർശന തിയതിയായി പ്രഖ്യാപിച്ചിരിക്കുന്നത് ജൂൺ 16 ആണ്. രാമ നവമി ദിനമായ ഇന്ന് ചിത്രത്തിന്റെ പ്രമോഷൻ തുടങ്ങുന്നതിന്റെ ഭാഗമായാണ് ആദിപുരുഷിന്റെ പുതിയ പോസ്റ്റർ പുറത്തു വിട്ടിരിക്കുന്നത്. ചിത്രത്തിൽ പ്രഭാസ് ‘രാഘവ’ ആയി വേശമിടുമ്പോൾ ജാനകിയായി പ്രേക്ഷകർക്ക് മുന്നിലെത്തുന്നത് കൃതി സനോൺ ആണ്. ഓം റൗട്ടിന്റെ സംവിധാനത്തിൽ അരങ്ങേറുന്ന ചിത്രത്തിന്റെ ടീസർ നേരത്തെ പുറത്തു വന്നിരുന്നു.
പ്രശാന്ത് നീലിന്റെ സംവിധാനത്തിൽ ഒരുങ്ങുന്ന സലാർ എന്ന പുതിയ ചിത്രത്തിലും പ്രഭാസാണ് നായക വേഷത്തിൽ എത്തുന്നത്. ചിത്രത്തിൽ ശ്രുതി ഹാസൻ ആണ് താരത്തിന്റെ നായികയായി എത്തുന്നത്. മധു ഗുരുസ്വാമിയാണ് ചിത്രത്തിൽ പ്രതിനായക വേഷത്തിലെത്തുന്നത്.
